• Йеңилиқлар
• 10 Шілде, 2015

Мәйрәмгә беғишланған тәнтәнә

Тәнтәнигә шундақла Парламент депутатлири, Һөкүмәт әзалири, дөләт органлириниң, дипломатик корпусниң, зиялиларниң, тиҗарәтчиләр, мәдәнийәт вә билим бериш хадимлириниң вәкиллири қатнашти. Дөләт рәһбири өз сөзидә 17 яшқа толуватқан пайтәхтниң һазирниң өзидила бай вә шанлиқ тарихқа егә екәнлигини тәкитлиди.Бүгүн мәмликәтниң баш шәһирини пәқәт надир беналарла әмәс, бәлки униң тәкрарланмас кәйпият-нәпәси пәриқләндүрүп туриду. Астананиң өз «тартиш күчи» бар, у талантларни, йеңи лайиһиләрни, малийәвий, әқлий вә иҗтимаий капитални җәлип қилип туриду. Барғансири нурғунлиған адәмләр мошу йәрдә яшап, өз келәчигини қурушқа тиришиватиду. Астана аһалиси күткинимиздинму чапсан өсүп, миллион адәмгә йеқинлашти. Буниңда шәһәрниң хәлиқкә берәриму көпийиватиду. Һазир Астана җумһурийәтлик бюджетниң донориға айланған регионларниң бири, — деди Президент. Нурсултан Назарбаев пайтәхтниң җумһурийәтниң иҗтимаий вә ихтисадий һаятиға иҗабий тәсир қиливатқанлиғини тәкитлиди.  Астана һазир пәқәт пүткүл мәмликәтниңла әмәс, бәлки Мәркизий Азия региониниң маарип вә медицина мәркизигә айланди. «Нұрлы жол» программисини әмәлгә ашуруш барлиқ регионларни пайтәхткә йеқинлаштуриду. Йеңи Ипәк йоли лайиһиси Қазақстанни Евразия кәңлигиниң мәркизий дөлитигә айландуриду. «ЭКСПО-2017» хәлиқара көргәзмисини өткүзүш технологиялик лидерлиқни тәминләйду вә дунияға Қазақстанниң альтернативилиқ энергетика саһасидики утуқлирини намайиш қилиду. «Астана» хәлиқара малийә мәркизини қуруш — йәнә бир чоң башланма. У пәқәт Астананиңла әмәс, бәлки пүткүл җумһурийәтниң көп жилларға беғишланған тәрәққият йөнилишини бәлгүләйду. «Йәрлик лидерлиқ вә аләмшумул риқабәткә қабиллиқ» — биз әмәл қилидиған формула әйнә шундақ. Көрүп туримизки, Астана һазирниң өзидила мошу планни әмәлгә ашуруш үстидә ишләватиду, — деди Дөләт рәһбири. Андин кейин Президент өзиниң мәйрәмгә болған көзқариши билән ортақлашти. Шәһәр күни, адәмниң туғулған күнигә охшашла, пәқәт тәнтәниләр үчүн сәвәп әмәс, бәлки йәкүн чиқириш пурсити. Мениң үчүн тәвәллудлар шәхсий мәйрәм болған басқуч аллиқачан артта қалди. Мениң барлиқ ишим вә пүткүл һаятим мәмликәт билән бағлиқ. Мениң үчүн Қазақстанниң, униң пайтәхтиниң вә һәрбир региониниң йеңи утуқ-муваппәқийәтлиридәк әң яхши тәбрик йоқ, — деди Нурсултан Назарбаев. Дөләт рәһбири шундақла жиғилғанларниң һәммисигә Астанани тәрәққий әткүзүшкә қатнишиватқанлиғи үчүн миннәтдарлиқ билдүрди. Бу йәрдә йеңи надир Евразия мәдәнийити шәкиллиниватиду, яшлар риқабәткә қабил билим еливатиду, келәчәккә ишәшлик нәзәр ташлаватқан йеңи аилиләр қурулуватиду. Бирлигимиз, әмгәкчанлиғимиз, мәхсәтчанлиғимиз түпәйли алға қойған барлиқ мәхсәтләргә йетидиғанлиғимизға ишинимән, — деди Президент. Ахирида Нурсултан Назарбаев барлиқ қазақстанлиқларни мәйрәм билән тәбрикләп, һәммигә паравәнлик вә қут-бәрикәт тилиди.