• Концерт
  • 06 Тамыз, 2015

«Юлтузум бол»

Илгири хәвәр қилғинимиздәк, өткән йәкшәнбә күни Қ.Ғоҗамияров намидики җумһурийәтлик дөләт Уйғур музыкилиқ комедия театрида Қазақстандики уйғур сәнъәткарлириниң бешини қошуп келиватқан «Пәрваз» иҗрачилар бирләшмисиниң қоллап-қувәтлиши билән «Яйра» дуэтиниң йәккә концерти болуп өтти. Униңға талантлиқ нахшичи һәм композитор Рустәм Ниязов риясәтчилик қилди.Мәлумки, «Яйра» дуэти буниңдин он жил илгири қурулған болуп, униң әзалири Насима Шаваева билән Азамат Абдурахмановлар бир-биригә җор болушуп, өзлириниң йеқимлиқ нахшилири билән сәнъәт мухлислири тәрипидин алаһидә етирап қилинип келиватиду. Шу күнки концерт, дуэтниң һесавити сүпитидә, йәни он жиллиғиға беғишланди. Концерт хәлқимизниң миллий дурданиси болған муқамлар билән башланди. Андин униң давамида дуэт асасән, өз стилида иҗра қилинидиған нахшилири билән тамашибинлар қәлбигә йол тутти. Болупму өзгиләрдин убданла пәриқлинидиған иҗра қилиш услубида орунланған нахшилар залдикиләр тәрипидин қизғин қарши елинди. Шундақла кәсипдашлирини йәккә концерти билән тәбрикләп, концертқа меһман сүпитидә қатнашқан сәнъәткарлар, җүмлидин нахшичи-композитор Артур Илахунов, қизиқчи Алимҗан Бавдинов, «Дияр», «Нур» топлири, «Ирадә» ансамбли вә «Фиеста» уссул топи концертниң техиму қизиқарлиқ өтүшигә һәм униңдин тамашибинларниң жуқури кәйпият илкидә қайтишиға түрткә болди. Буниңдин ташқири, Насима Шаваеваниң аниси Халима Шаваева сәһнигә чиқип, пәрзәнтлириниң уйғур хәлқиниң муқәддәс сәһнисидә йәккә концерт бериштәк бүйүк чоққиға йәткәнлиги билән уларни сәмимий тәбрикләп, тамашибинларға «Яшнисун» нахшисини тәғдим қилди. Алаһидә тәкитләш лазимки, мәзкүр концертниң өзгичилиги шуки, бу йәрдә һәммә нахшилар фонограммисиз, йәни  «тирик авазда» иҗра қилинди. Шу күни яңриған нахшиларниң бабиға йәткүзүлүп иҗра қилиниши дуэт әзалириниң һәқиқәтәнму талант егилири екәнлигидин далаләт бәрсә, әнди сәһниниң безәндүрүлүшигә қарап, уюштурғучиларниң ушбу чарә-тәдбирни өткүзүшкә кәспий җәһәттин һәртәрәплимә яндашқанлиғини байқиғили болиду. Шундақла бу йәрдә алаһидә маһарәт көрсәткән сазәндиләрниңму әмгигини тилға елиш орунлуқтур. Концерт ахирида җумһурийәтлик Уйғур этномәдәнийәт мәркизиниң иҗраий мудири Зихруллам Қурванбақиев тамашибинларға унтулмас дәқиқиләрни һәдийә қилған сәнъәткарларға миннәтдарлиқ билдүрүп, дуэт әзалириға ҖУЭМ намидин Пәхрий ярлиқларни тапшурди һәм қабилийәтлик нахшичи-сазәндиләргә йол-йоруқ көрситип, пана болуватқан «Пәрваз» иҗрачилар бирләшмисиниң ишиға утуқ тилиди.

Мәшүр САСИҚОВ.

456 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы