- Әхбаратлар еқими
- 20 Тамыз, 2015
Конкурс елан қилинди
Шәһәр күнини нишанлаш даирисидә Алмута шәһәрлик мәдәнийәт башқармиси «Мән Алмутини сөйүмән!» намлиқ әң яхши һәйкәлгә конкурс елан қилди. Конкурс қаидиси бойичә әмгәкләр идеяниң алаһидилиги, һәйкәлни ясашниң мурәккәплиги вә кейин рәмз сүпитидә пайдилинишқа болидиғанлиғи билән пәриқлиниши керәк.Конкурсқа һәйкәлтарашлиқ композиция жанрида өз шәһиригә муһәббитини изһар қилалайдиған барлиқ алмутилиқлар қатнишалайду. Буниң үчүн мошу жилниң 31-августиғичә уюштурғучиларниң d.maratov@almatymadenіet.kz электронлуқ адресиға буйрутма-лайиһини әвәтиш шәрт. Конкурс йәкүни 20-сентябрьдә чиқирилиду. Ғалипларни мәдәнийәт башқармисиниң, наһийәлик һакимийәтләрниң, Дизайнерлар иттипақиниң вә шәһәрни зенәтләндүрүш бойичә болавалғучи ширкәтниң вәкиллиридин тәркип тапқан қазилар топи ениқлайду.
Конкурс ғалиби бир миллион тәңгә миқдарида ахчилиқ мукапат алиду. Униңға шундақла өз әмгигини Тунҗа Президент истираһәт беғида көргәзмигә қоюш һоқуқи берилиду. Иккинчи орунни егилигән конкурсант телевизор, үчинчи орунға сазавәр болған музыкилиқ мәркәз билән мукапатлиниду.
Конкурсқа чүшкән әмгәкләр шәһәрниң барлиқ наһийәлиридики истираһәт бағлири билән сәйилгаһларға қоюлиду.
597 рет
көрсетілді0
пікір