• Йеңи ихтисадий сәясәт
  • 27 Тамыз, 2015

Биз утуққа йетимиз

Мән — пенсионер. Күндилик һаятимда долларни пайдиланмаймән. Пенсияни тәңгидә алимән. Мениң үчүн һазир әң асасий нәрсә, озуқ-түлүк мәһсулатлириниң баһаси көтирилмисә болди. Мәлумки, Президентимиз бу мәсилигә алаһидә көңүл бөлүватиду, шәхсән өзи йәрлик дөләт органлириға бу мәсилини қаттиқ назарәт қилиш вәзиписини жүклиди. Өзәм гезит-журналлар, телевидение арқилиқ дуниядики йеңилиқларни байқап туримән. Тәкитләш лазимки, хошна Россиядә биздин илгири рубльни әркин алмаштуруш башланди.  Биз һазир Россиядә немини байқаватимиз? Рубль хуни чүшти. Амма, шуниңға бола, россияликләрниң паракәндиликкә берилгинини көрмидуқ. Улар илгәркидәкла ишләватиду, һаят кәчүрүватиду, дәм еливатиду. Биздиму шундақ болиду, дәп ойлаймән. Әнди, мүмкин, аиләвий бюджетни кичиккинә болсиму теҗәмләшкә тоғра келидиғанду. Бу күнләрдә ихтиярсиз өткән әсирниң 90-жиллири есимға келиватиду. Аммивий ишсизлиқ, бюджет хадимлири айлап маашлирини алалмайватқан, завод-фабрикилар ишлирини тохтатқан. Аддий хәлиқ һәқиқәтән гаңгирап қалған еди. У жиллар билән селиштурғанда, һазирқи қийинчилиқлар һечнемә әмәстәк билиниду маңа. Қазақстанлиқларниң бу боһранниму йеңидиғиниға ишәнчим камил. Биз утуққа йетимиз.

Ядишир ТОХТАХУНОВ,

истипадики подполковник.

324 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы