- Жирақ сәпәрдин қайтқанда
- 17 Қыркүйек, 2015
«Кирип моорлаңлар»
Гезитханлар тәрипидин «Тывалиқларниң чирайи уйғурларға охшамдекән?», «Икки милләтниң тилида охшаш сөзләр бармекән?» дегән соалларни мәнму күтүведим. Сәпәргә атлиниш алдида мәзкүр экспедицияни уюштурған «Инайәт» ассоциациясиниң мудири Турғанҗан Розахунов биз билән мәтбуат конференциясини өткүзүп, һәрбиримизгә ениқ вәзипиләрни тапшурди. Шуңлашқа у яққа барғанда һәрким өз ишимиз билән шуғуллинишқа тириштуқ. Аримизда тывалиқлар билән йеқиндин мунасивәт бағлаш имканийитигә язғучи Исмайилҗан Иминов егә болди. Чүнки у тывалиқлар һәққидә китап йезишқа тутуш қиливатиду. Қалғанлиримиз тилимиздики охшашлиқлар һәққидә бизниң экспедициягә һәмра болған Мира Артынадин соридуқ. Мәсилән, улар акини — аким, оғулни — оол, қизни —кис, күйоғулни — кудээм, қудини кудагайим дәйдекән. Бу чүшинишкә болидиған сөзләр. Әнди охшаш сөзләрму йоқ әмәс: келин вә баҗа сөзлирини тывалиқлар худди бизгә охшашла атайдекән. Асасий гәп — уларниң меһмандостлуғида. Қәйәргила бармайли, улар бизни «кирип моорлаңлар» дәп қарши алди. Бу уларниң тили билән ейтқанда «Хуш кәпсиләр» дегини екән. Төвәндики фоторепортаж әйнә шу тывалиқларниң бизгә болған һөрмитиниң бир көрүнүши.
Әтә улар бизни «Пор-Бажын» сарийиға тәклип қиливатиду. Буни аңлап хошал болдуқ. Һиссиятлиримизни тил билән ейтип йәткүзүш қийин. Әҗдатлиримизниң изи қалған җайларни көрүшкә алдираватимиз.
Бәхтишат СОПИЕВ.
(Давами бар).
567 рет
көрсетілді0
пікір
