- Әхбаратлар еқими
- 25 Қыркүйек, 2015
Фонд мәблиғи — назарәттә
Йеқинда «Нур Отан» партияси Алмута вилайәтлик шөбиси рәисиниң орунбасари Садық Әбдиқадыров, «Вилайәтлик коррупциягә қарши күрәш» җәмийәтлик кеңишиниң әзаси В.Син Әмгәкчиқазақ наһийәсидә болуп, партияниң наһийәлик шөбиси рәисиниң биринчи орунбасари Қуат Байғожаев вә наһийәлик қурулуш бөлүминиң башлиғи Әдилжан Смағуловниң һәмкарлиғида Бәйтерек вә Азат йезилирида селиниватқан мәктәпләрниң қурулуш ишлири билән тонушти. Бәйтеректики мәктәпни селиватқан «Дәулет-Телеком» ҖЧЙ әзалириниң тәкитлишичә, 640 орунлуқ мәктәп қурулушиға бәлгүләнгән 1 млрд. 480 млн. 313 миң тәңгә мәбләғ толуқ бөлүнмәйватқанлиқтин, иш планланған вақиттин кечикиветипту. Миллий фондтин бөлүнгән мәбләғ қанчә әтигән қолға тәгсә, мәктәп қурулушиму шунчә әтигән тамамлиниду.
Азат йезисидики мәктәп «Реаглит» ҖЧЙ тәрипидин селиниватиду. Қурулушниң баһаси – 744 млн. 62 миң тәңгә. Бенани арилап көргән меһманлар қурулуш ишлирини илгирилитиш үчүн қол қисқартиватқан тәрәпләрму моҗут екәнлигидин вақип болди. Тәкитләш лазимки, аталған беналарни арилаштики мәхсәт – Миллий фондтин бөлүнгән мәбләғниң орунлуқ ишлитилишини вә қурулуш ишлириниң сүпәтлик жүргүзүлүшини назарәт қилиштин ибарәт болди.
Рашидәм РӘҺМАНОВА.
Әмгәкчиқазақ наһийәси.597 рет
көрсетілді0
пікір