• Әхбаратлар еқими
  • 25 Қыркүйек, 2015

Шәһәр күни нишанланди

Өткән йәкшәнбә күни алмутилиқлар шәһәр күнини кәң даиридә нишанлап өтти. Бу күни шәһәрдә әлликтин ошуқ мәйрәмлик чарә-тәдбир уюштурулди. Шуларниң ичидә әң чоң мәрасим Қазақстан Җумһурийити Тунҗа Президенти паркида болди. Бу йәрдә Appel Fest фестивали өтти. Фестивальда  алмутилиқларға 33 шәхсий егилик 100 тоннидин ошуқ алма елип кәлди. Мәлумки, өткән жили 20 дехан егилиги 50 тонна алма әкәлгән еди.Бу қетимқи мәйрәмлик тәнтәнигә Алмута шәһириниң һакими Бауыржан Байбек қатнашти. Һаким Алмута турғунлирини вә шәһәр меһманлирини мәйрәм билән тәбрикләп, Дөләт рәһбири Нурсултан Назарбаевниң қоллап-қувәтлиши билән Алмута сүръәтлик тәрәққий етиватқанлиғини тәкитлиди. Президентимиз жүргүзүватқан дана сәясәт нәтиҗисидә, дунияда қелиплашқан җиддий ихтисадий әһвалға қаримай, бизниң дөлитимиз йолларни, мәктәпләрни, ағриқханиларни селиватиду, — деди Бауыржан Байбек. — Шәһиримизму жилдин-жилға өзгириватиду. Алмутиниң келәчиги — униң хәлиқара дәриҗидә тәрәққий етишида Алмута заманға лайиқ вә меһманларни җәлип қилидиған шәһәргә айлиниши керәк. Һаким шу күни СССР вә Қазақстан хәлиқ артисти Асанәли Әшимовқа вә «Казкоммерцбанк» акционерлиқ җәмийити мудирлар кеңишиниң әзаси Дәулет Сембаевқа, Қазақ ССРниң хизмәт көрсәткән мемарчиси Шот-Аман Валихановқа «Алмута шәһириниң Пәхрий турғуни» аталғанлиғи тоғрилиқ гуванамиларни тапшурди.

596 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы