• Йеңилиқлар
  • 25 Қыркүйек, 2015

Әл бирлиги — қийинчилиқни йеңишниң механизми

Дөләт рәһбири Нурсултан Назарбаев Атырав вилайитигә болған сәпири давамида мошу мәсилигә алаһидә көңүл бөлди. Дөләт рәһбири Нурсултан Назарбаев Атырав вилайитигә болған сәпири давамида мошу мәсилигә алаһидә көңүл бөлди. Өткән пәйшәнбә күни Президент Нурсултан Назарбаев Атырав вилайитигә болған сәпирини йеңидин ишқа қошулуп, елимиздә илгири болмиған йеңи мәһсулатларни чиқиришни қолға алған карханилар иши билән тонушуштин башлиди. Шуларниң бири Сүръәтлик индустриялик-инновациялик программа даирисидә ишқа қошулған «ПКФ Континент Ко ЛТД» карханиси. Бу санаәт орни бир ай илгири талчиқ-оптикилиқ кабельни ишләпчиқиришқа башлиди. Мәзкүр карханиниң баш мудири Семен Хванниң тәкитлишичә, уларниң алдиға қойған асасий мәхсити — телекоммуникация, транспорт, қурулуш вә нефть-газ саһалириға һаҗәт талчиқ-оптикилиқ кабель санаитини тәрәққий әткүзүш. Йеңи завод қурулушиға 715 миллион тәңгә селинған екән. Заводқа умумий баһаси бир миллион доллардин ошуқ туридиған Хитайдин сетивелинған йеңи технология орнитилған. Заводниң қувити — жилиға бир сменида 4500 километрлиқ, әнди үч смена билән 11 миң километрға йетидиған оптикилиқ кабель чиқириш. Шуниң билән биллә бу йәрдә 2017-жили мис қошулған кабель чиқиридиған қошумчә икки цехни ишқа қошуш мәхсәт қилиниватиду. Дөләт рәһбири «ПКФ Континент Ко ЛТД» ҖЧЙ коллективини йеңи санаәт орниниң ишқа қошулуши билән тәбрикләп, униң регионда индустриялик саһани тәрәққий әткүзүштики әһмийитини тәкитлиди. Шуниңдин кейин Президент 90 жиллиқ тарихи бар «Атыраумунаймаш» ҖЧЙ кәлди. Мәзкүр санаәт орни дөлитимизниң ихтисадий тәрәққиятиға чоң үлүш қошуп келиватқан, вәтәнлик ихтисатниң йетәкчи саһасиға айланған нефть-газ санаити үчүн әң мурәккәп мәһсулатлар чиқирилиду. Һазир мәзкүр карханида 260 адәм турақлиқ ишләватиду. Дөләт рәһбири бу йәрдиму кархана коллектив билән учришип, уларниң иши билән тонушти. Шуниңдин кейин Президент Ақтөбә, Атырав, Ғәрбий Қазақстан вә Маңғыстав вилайәтлири һакимлириниң қатнишиши билән жиғин өткүзди. Жиғинда дәсләп Инвестицияләр вә тәрәққият министри Әсет Исекешев сөз елип, дөлитимизниң ғәрбий вилайәтлиридә әмәлгә ашурулуватқан йеңи лайиһиләр  тоғрилиқ һесават бәрди.Жиғинда сөз алған «КазМунайГаз» миллий компанияси» акционерлиқ җәмийитиниң башқарма рәиси Сауат Мыңбаев вәтәнлик нефть ишләпчиқиридиған карханиниң бүгүнки нәпәси тоғрилиқ, шундақла «Теңіз», «Қашаған» охшаш чәтәллик инвестиция җәлип қилинған чоң кан орунлириниң келәчиги һәққидә һесават бәрди. Ғәрбий Қазақстан вилайитиниң һакими Нурлан Ноғаев, Маңғыстав вилайитиниң һакими Алик Айдарбаев, Ақтөбә вилайитиниң һакими Бердибек Сапарбаев өзлири башқуруватқан регионларниң иҗтимаий-ихтисадий әһвали, сүръәтлик индустриялик-инновациялик тәрәққият программиси даирисидә әмәлгә ашуруватқан йеңи лайиһиләр һәққидә ейтти. Президент өз сөзидә һакимларниң диққитини нефть-газ саһасиниң әтрапида кичик вә оттура тиҗарәтни тәрәққий әткүзүшниң муһимлиғиға авдурди. Шундақла муһим йөнилиш сүпитидә кан орунлирини разведка қилиш ишлирини җанландурушниң муһимлиғини ейтти. Шуниң билән биллә Дөләт рәһбири «Нұрлы Жол» программиси Қазақстан үчүн пайдилиқ трансқитъәлик логистикилиқ лайиһә һесаплинидиған ихтисадий бәлбағни қуруш тәшәббуси билән аһаңдаш екәнлигини тәкитлиди. Президент һазирқидәк қийин дәвирни течлиқ вә өмлүк билән өткүзүшниң муһимлиғини ейтип өтти. «Мән илгири тәкитлигинимдәк, бизниң еғиз бирлигимиз болмиған дәвирдила һалсиз едуқ. Әгәр биз өм болсақ, һәммә иш қолумиздин келиду. Бу қийинчилиқларни өмлүк билән йеңип, тәрәққиятниң йеңи йолиға чиқиш лазим», деди Нурсултан Назарбаев сөзиниң ахирида.

206 рет

көрсетілді

0

пікір
Алдыңғы мақала Дөләт рәмзлири тоғра қоллинилиши керәк
Келесі мақала Президент данишмәнләр билән учрашти

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

18 Қараша, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы