- Әхбаратлар еқими
- 02 Қазан, 2015
«Үлгилик аилә»
Йеқинда Астана шәһиридики «Қазақстан» мәркизий концерт залида «Мерейлі отбасы» миллий конкурсиниң йәкүни чиқирилип, ғалипларни мукапатлаш мәрасими болуп өтти. Конкурсқа пүткүл Қазақстан бойичә 2285 аилә қатнишишқа илтимас бәргән. Бу өткән жилдикигә қариғанда икки һәссигә артуқ. Конкурс үч басқучта — наһийәлик, вилайәтлик вә җумһурийәтлик дәриҗидә өтти. Астанада өткән конкурс финалиға мәмликитимизниң барлиқ регионлириға вакаләтлик қилидиған 16 аилә кәлди.
Мәрасимни ачқан дөләт кативи Гүлшара Әбдиқалықова жиғилғанларға Дөләт рәһбири Н.Назарбаевниң тәбригини оқуп бәрди.
Миллий конкурс йәкүни бойичә Маңғыстав вилайитигә қарашлиқ Жетыбай йезисида истиқамәт қилидиған Кулсариевлар аилиси үлгилик аталди. Уларға хатирә статуэтка, «Мерейлі отбасы» миллий конкурсиниң ғалиби дипломи вә Қазақстанда ишләнгән «Іveco» микроавтобусиниң ачқучи тапшурулди.
Насирахун РОЗАХУНОВ.
597 рет
көрсетілді0
пікір