• Әхбаратлар еқими
• 15 Қазан, 2015

Мөтивәрләр баш қошти

Алмута вилайәтлик Ақсақаллар кеңишиниң рәиси Ардақ Сыдық Әмгәкчиқазақ наһийәлик ақсақаллар кеңишиниң жиғиниға қатнишип, һаят тәҗрибиси көп мөтивәрләрниң әқил-несиһәтлирини тиңшап, ой-пикирлири билән бөлүшти.Бу баш қошушни наһийәлик Ички сәясәт бөлүминиң башлиғи Мөмүнҗан Исламов жүргүзүп, дәсләпки сөзни вилайәтлик  ақсақаллар кеңишиниң рәисигә бәрди. Ардақ Сыдық ақсақаллар кеңәшлириниң наһийәлик бөлүмлиридә ноябрь вә декабрь айлирида һесават вә сайлам жиғинлириниң, апрельда болса, ақсақалларниң җумһурийәтлик қурултийи өтидиғанлиғи һәққидә хәвәрлиди. Натиқ кеңәштә тиркәлгән ақсақаллар саниниң тамамән аз екәнлигини, бирму пенсионерниң кеңәш нәзәридин чәттә қалмаслиғиниң муһимлиғини атап өтти. Һаяттики тәҗрибиси мол мөтивәрләрниң әл бирлигини сақлаштики, достлуқ билән разимәнликни тәрәққий әткүзүштики ролиниң зор екәнлигини тәкитлиди. Наһийә ақсақаллирини һөрмәтлик дәм елишқа чиққандин кейинму яшлар тәрбийисигә паал арилишишқа, жигит-қизларға диний йөнилиштә тоғра йол көрситишкә чақирип, әвлат тәрбийиси мәсилисигә салқин қаримаслиқ һаҗәтлигини атап көрсәтти.

Рашидәм РӘҺМАНОВА.

Әмгәкчиқазақ наһийәси.