• Әхбаратлар еқими
• 15 Қазан, 2015

«Пенсионерлар» фонди қурулиду

Мошу йеқинда йезимиздики «Меһирдин» кафесида жут мөтивәрлириниң беши қошулди. Сәбиләрдәк хошал болған бова-момилиримизни Кәтмән йезисиниң һакими Б.Шаймухаев сәмимий тәбрикләп, талай иссиқ-соғни бешидин өткүзгән, бизни мошу бәрикәтлик, баяшайәт күнләргә йәткүзгән мөтивәрләргә әң алий изгү тиләклирини ейтти. Йезилиқ Ақсақаллар кеңишиниң рәиси Д.Авутов билән Ханим-қизлар кеңишиниң рәиси С.Йәһиярова яшанғанларни дайим үлгә тутуп, өйниң төридин орун бериш бизниң пәрзимиз екәнлигини ейтти. Кәчниң өтүшигә йезимиздики барлиқ мәһкимиләр паал қатнашса, Е.Жанабилов, Ю.Йүсүпов кәби жутумизниң ғемини йәп жүргән оғланлар һамийлиқ қилди. Әлвәттә, мәзкүр сорунда йеқимлиқ нахша-сазларму яңрап, меһманлиримиз уссулғиму чүшүшти. Жут мөтивәри Ж.Бердалиев бирлиги ярашқан йезида уйғур билән қазақниң инақлиғи достлуққа улишипла қоймай, уларниң уруқ-туққандәк болуп кәткәнлигини алаһидә тәкитлиди вә буниңда мәлимизниң жигитбеши Камалдин Шәйхиевниң әҗри көп дәп, униңға апирин әйлиди. Әнди Д.Авутов «Пенсионерлар» фондини қуруш лазимлиғини ейтти. Униң бу тәкливини  һәммә қоллап-қувәтлиди.

Меһрибанәм САВУТОВА.

Уйғур наһийәси. indent:0cm;line-height:normal'>Әмгәкчиқазақ наһийәси.