• Йеңилиқлар
  • 03 Желтоқсан, 2015

Қазақстан ханим-қизлириниң иҗтимаий роли жуқури

Өткән чаршәнбә-пәйшәнбә күнлири Астанада Қазақстан Ишбиләрмән аяллири ассоциациясиниң 20 жиллиғиға беғишланған ІV Евразиялик аяллар саммити болуп өтти. Униң ишиға дөләт кативи, Президент йенидики Аяллар ишлири вә аилә-демографиялик сәясәт бойичә миллий комиссияниң рәиси Гүлшара Әбдихалықова, Премьер-Министрниң орунбасари Дариға Назарбаева, Парламент депутатлири, Аяллар ишлири вә аилә-демографиялик сәясәт бойичә миллий комиссияниң әзалири, дөләт органлириниң, хәлиқара вә һөкүмәтлик әмәс тәшкилатларниң вәкиллири, йеқин һәм жирақ чәт әлләрдин экспертлар қатнашти. Форумда «Нұрлы жол» программисини әмәлгә ашуруш, евразиялик интеграция вә нәтиҗидарлиқ ихтисадий тәрәққият стратегияси, тиҗарәтчи аялларни дөләт тәрипидин қоллап-қувәтләш даирисидә бизнес үчүн йеңи имканийәтләргә мунасивәтлик мәсилиләр муһакимә қилинди. Гүлшара Әбдихалықова өзиниң тәбрик сөзидә «Қазақстан-2050» Стратегиясини әмәлгә ашуруш мәхситидә Дөләт рәһбириниң Бәш институционал ислаһатни алға сүргәнлигини тәкитлиди. У өз сөзидә Қазақстан ханим-қизлириниң һәрдайим Нурсултан Назарбаевниң тәшәббуслирини қоллап-қувәтләп кәлгәнлигини, һазирму уларниң ислаһатларни әмәлгә ашурушқа паал қатнишиватқанлиғини алаһидә тәкитлиди. Гүлшара Әбдихалықова шундақла риқабәткә қабил товарларни ишләпчиқириш вә көрситиливатқан хизмәт дәриҗисини ашуруш, жуқури технологиялик бизнес-лайиһиләрни тәйярлаш бойичә вәзипиләрни һәл қилишниң зөрүр екәнлигигә диққәт ағдурди. Форумда сөзгә чиққан Қазақстан Премьер-Министриниң орунбасари Дариға Назарбаева кичик вә оттура тиҗарәтни тәрәққий әткүзүштә ханим-қизларниң муһим роль ойнаватқанлиғини тәкитлиди. Униң сөзичә, мәмликәттә йетиштүрүлгән умумий ички мәһсулатниң 40 пайизи аялларниң әнчисигә тоғра келиду. Биздә, аялларда, һәркимдә болувәрмәйдиған күч-қувәт бар. Мән уларниң һәрикити билән наһайити пәхирлинимән, улар мәмликәт мустәқиллигиниң дәсләпки жиллиридин тартип чоң ишни әмәлгә ашурди, — деди Дариға Нурсултан қизи. — Һазир мәмликитимизниң икки бәқувәт қанити бар дәйду. Әйнә шу қанатниң бири — Қазақстан Ишбиләрмән аяллар ассоциацияси. Униңдин ташқири Дариға Назарбаева қазақстанлиқ тиҗарәтчи аялларни дөләт мүлки объектлирини риқабәткә қабил муһитқа бериш җәрияниға паал қатнишишқа чақирди. Униңдин кейин Қазақстан Ишбиләрмән аяллар ассоциа-циясиниң президенти Раушан Сәрсембаева сөзгә чиқти. Натиқ ассоциацияниң 20 жиллиғиниң җумһурийәт мустәқиллигиниң тәңтуши болуп һесапланған һөкүмәтлик әмәс тәшкилат үчүн шанлиқ сәнә екәнлигини тәкитлиди. Мошу жилларда бирләшмә шәкиллиниш, стратегияни түзүш вә тәрәққият йолини бесип өтти. Һазир мәзкүр қурулум әң жуқури дәриҗидә тиҗарәтчи аялларниң мәнпийәтлиригә вакаләтлик қиливатиду. Форум даирисидә дөләт кативи мәмликәт ихтисадини тәрәққий әткүзүшкә паал қатнашқанлиғи үчүн Ишбиләрмән аяллар ассоциацияси регионлуқ шөбилириниң рәислиригә вә сәясәтчи аяллар клубиниң вәкиллиригә тәшәккүрнамиларни тапшурди, шундақла ханим-қизлар башқуруватқан карханиларда ишләпчиқирилған әң яхши товарлар қоюлған җумһурийәтлик көргәзмини ечиш мәрасимиға қатнашти.

130 рет

көрсетілді

0

пікір
Алдыңғы мақала Хәлиқ мәрикиси
Келесі мақала Вәтәнпәрвәрлик вә бирлик рәмзлири

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы