• Йеңилиқлар
  • 10 Желтоқсан, 2015

Өз ишиниң маһири

Илминур Насирова Ленинград шәһиридики Нәшрият иши вә полиграфия техникумини, Алмутидики Қизлар педагогика институтиниң рус тили вә әдәбияти факультетини тамамлиған. Кейинирәк дизайнерлиқ курслар программилири бойичә тәһсил көргән. Әмгәк паалийитини 1972-жили «Коммунизм туғи» гезити редакциясидә башлиди. Андин «Казахская Энциклопедия», «Жалын» нәшриятлирида техникилиқ муһәррир, Қазақстан Җумһурийити Миллий пәнләр академиясиниң «Ғылым» илмий нәшриятида техникилиқ муһәррир, бәт ясиғучи, дизайнер лавазимлирида ишлиди. 2005 — 2009-жиллири М.Тынышпаев намидики Қазақ транспорт вә коммуникация академиясиниң Әхбаратлиқ технология мәркизи Дизайн секториниң башлиғи болди. Һазир «Гига трэйд» нәшриятида дизайнер сүпитидә ишләватиду. Илминур Насирова бирқанчә уйғур шаир-язғучилири билән алимлириниң китаплирини сәһипиләп, нәширгә тәйярлиған. Уларниң арисида Х.Һәмраев француз тилидин тәрҗимә қилған Рене Груссэниң «Империя степей», Д.Қасимованиң «Самоучитель уйгурского языка», Қаһариниң «Изи өчмәс учқунлар», Наилә Һәмраеваниң «Изи өчмәс гәвһәрләр», Ғ.Сәдвақасовниң 5 томлуқ талланма әсәрлири — «Мәңгү қәлбимдә», «Әслимиләр вә хатириләр», охшаш онлиған китаплар бар. Әнди мошу йеқиндила Т.Тейипованиң «Ана билән аләм гөзәл», «Уйғур алимәлири» топламлирини безәшкә алаһидә һәссә қошти. Илминур көпбалилиқ инақ аилидә тәрбийиләнгән. Дадиси Ибәйдулла Насиров сәнъәткә йеқин болуп, сазәндә вә рәссам еди. Өзи музыка йезип иҗат қилатти. Аниси Гүли Насирова 8 балини қатарға қошуп, балилириға яхши тәрбийә берип, уларни әхлақлиқ, әмгәксөйгүч қилип йетиштүргән. Илминурни биз көптин бери тонуймиз. У жуқури билимлик мутәхәссис болупла қалмай, өз ишиниң маһири, ярдәм сорап кәлгән кишиләргә ярдимини айиған әмәс. У әмгәкни пул билән әмәс, бәлки кишиләргә кәлтүридиған әһмийити билән баһалайду, муһими, мәнивий байлиқни маддий байлиқтин үстүн көриду. Биз униңға мустәһкәм саламәтлик, аиләвий бәхит-саадәт вә иҗадий утуқ тиләймиз!

  Наиләм ҺӘМРАЕВА.

121 рет

көрсетілді

0

пікір
Алдыңғы мақала Илмураттин һәммә рази
Келесі мақала Жут ишқида пәрванә

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы