• Көргәзмә
• 15 Желтоқсан, 2015

Вәтәнпәрвәрлик мавзусиғабеғишланди

Мустәқиллик мәйрими һарписида Астанада хәлиқара Евразия дизайнерлар иттипақиниң уюштуруши билән Қазақстан хәлқи Ассамблеясиниң 20 жиллиғиға беғишланған көргәзмә болуп өтти. Бу муһим чарә-тәдбиргә җумһурийитимизгә тонулған рәссам вә дизайнерлар иштрак қилди. Униңға уйғурлардин муәллимләрниң билимини мукәммәлләштүрүш «Өрлеу» акционерлиқ җәмийити Алмута вилайәтлик шөбисиниң  чоң оқутқучиси Махмутҗан Җәлилов қатнашти. Махмутҗан Мәшүр оғли мәзкүр көргәзмигә вәтәнпәрвәрлик мавзусиға тәйярланған  «Мениң вәтиним — Қазақстан», «Мәңгілік ел» намлиқ каталогларни намайиш қилди. Шундақла бу көргәзмигә у «Арыстан» Президент һәрбий мәктивиниң залиға қоюлған вәтәнпәрвәрлик роһтики әмгәклирини елип барди. Мошуларниң һәммисини көздин кәчүргән қазилар топи Махмут Мәшүр оғлиниң  әмгәклирини жуқури баһалап, униңға 1-дәриҗилик диплом тапшурди. Шундақла уни хәлиқара Евразия дизайнерлар иттипақиниң әзалиғиға қобул қилди. Миллитимиз вәкилини ушбу утуғи билән қизғин тәбрикләп, ишиға утуқ тиләймиз. Бәхтишат СОПИЕВ.