• Кичик вә оттура тиҗарәт
  • 24 Желтоқсан, 2015

Белаловларниң күчи — бирликтә

Алмута шәһири Жетису наһийәлик һакимийити жил йәкүни бойичә наһийәниң иҗтимаий-ихтисадий тәрәққиятиға қошқан һәссиси үчүн «Белалов» қурулуш материаллирини ишләпчиқириш ширкитиниң мудири Қасимҗан Белаловқа һакимниң Пәхрий ярлиғини тапшурди. У  шундақла «Любовь» нака балилар өйиниң, «Поколение» җәмийәтлик фондиниң турақлиқ һамийи екән. Һакимға өз миннәтдарлиғини изһар қилған Қасимҗан Мәрүп оғли бүгүнкидәк утуққа йетишидә атиси Мәрүп һаҗим билән аниси Аминәмниң көп күч чиқарғанлиғини әсләп өтти. — Биз аилидә тоққуз пәрзәнт, — дәп сөзини башлиди у. — Алтә оғул, үч қиз. Тохсининчи жиллири атимиз оғулларниң бешини қошуп, «Пламя» кооперативини қурған еди. Биз бираз вақит Җамбул наһийәсидә  һак көйдүрүш билән шуғулландуқ. Дадам бизни кичигимиздин әмгәккә үгәтти. У «Бир-бириңлар билән өм болуңлар, ишта ширкәт хадими, талаға чиққанда ака-ука екәнлигиңларни унтумаңлар. Шу вақитта ишиңлар алға басиду» дегән еди. Мана мошу кәмгичә атимизниң бу несиһитигә әмәл қилип келиватимиз. Амма ата-анимизниң пәрзәнтлириниң һалавитини, мошундақ утуқларға қол йәткүзгинимизни көридиған пәйттә аләмдин өткини ечинарлиқ. Алмутида мундақ ширкәтниң барлиғини дәсләпки қетим аңлиғачқа, мәрасимдин кейин Қасимҗан Мәрүп оғлини қисқичә сөһбәткә җәлип қилдуқ. У Белаловлар аилиси һәққидә төвәндикиләрни ейтип бәрди. Мәрүп һаҗим Белалов Ғулҗа наһийәсиниң Турпанйүзи йезисида туғулуп, униң балилиғи шу йәрдә өтүпту. 1959-жили униң атиси Тейип дегән киши оғлини аилиси билән елип Кеңәшләр Иттипақиға көчүп чиққан екән. Улар дәсләп Панфилов наһийәсиниң Ават йезисида туруп, шу йәрдә 18 жил колхозда ишләйду. Тоққуз балиниң аниси Аминәм ана асасән өй ишлири билән бәнт болуп, Мәрүп һаҗим «Калинин» намидики колхозда һак көйдүргән екән. Белаловлар аилиси Җамбул наһийәсиниң Фабричный йезисиға (һазирқи Қарғалы) көчүп кәлгәндиму ата бу ишини давам қилип, өз һүнирини чоң болуп қалған балилириға үгитиду. Белаловлар бу мәһәллидиму он сәккиз жил яшапту. Ата җамаәтчилик ишлириғиму йеқиндин арилишип, жут активистлиридин болған. Бүгүнки күндә Белаловлар — Қурванҗан, Асийәм, Турғанҗан, Қасимҗан, Пәридәм, Турсунбүви, Үсүпҗан, Аюпҗан вә Пәрһат һәммиси  җәнубий пайтәхттә туриду. Ата-аниниң хаһиши шундақ болған екән. Улар Алмутиға көчүп кәлгәндин кейин оғуллар «Белалов» қурулуш материалларини ишләпчиқириш ширкитини қуриду. Ака-укилар өз паалийитини яғашчилиқтин башлап, бүгүнки күндә пластикилиқ ишик, деризә, хиш вә башқиму қурулуш материаллирини ишләп чиқириватиду. Йәнә шу ата вәсийити билән турмуш-тирикчилиги начарларға, житим вә нака балиларға ярдәм қолини сунуп туриду. «Адәмләргә яхшилиқ қилсаңлар, җәмийитимиздә яхши намиңлар қалиду», дәттекән ата пат-пат балилирини әтрапиға жиғивелип. Ата хаталашмиған екән, бүгүнки мәрасимда наһийә һакими, балилар өйи билән җәмийәтлик фондниң рәһбәрлири Белаловларниң намиға өзлириниң иллиқ ләвзини билдүрди. Шундақла сөзгә чиққучилар ширкәт мудири Қасимҗан Мәрүп оғлини 50 яшлиқ тәвәллуди билән тәбрикләшниму унтумиди. Бизму уни туғулған күни билән тәбрикләп, ишиға утуқ тиләймиз.

Бәхтишат СОПИЕВ.

189 рет

көрсетілді

0

пікір
Алдыңғы мақала Иссиқ нанға мәрһәмәт
Келесі мақала «Сәнәм» тортлирини Сәнәм тәйярлайду

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы