• Йеңилиқлар
  • 21 Қаңтар, 2016

Асасий Қанунға мувапиқ қәдәм

Дөләт Рәһбири Нурсултан Назарбаев новәттин ташқири Парламент сайлимини өткүзүшкә бағлиқ бирқатар муһим учришишларни өткүзди. Мәсилән, Сенат рәиси Қасымжомарт Тоқаев, Парламентниң төвәнки палатисиниң рәиси Қабиболла Жақыпов вә Премьер-Министр Кәрим Мәсимов билән болған учришишларда Дөләт рәһбири Мәҗлис депутатлириниң новәттин ташқири Парламент сайлимини өткүзүш тоғрилиқ тәшәббусиниң түрлүк муназирә мәйданлирида, экспертлар арисида вә аммивий әхбарат васитилиридә кәң муһакимә қилиниватқанлиғини тәкитлиди. Президент жүргүзүлгән җамаәтчилик пикрини сораш нәтиҗилириниңму бу тәклипниң кәң қоллап-қувәтлиниватқанлиғини ейтти. Дөләт рәһбири мәзкүр тәшәббусниң малийә вә тәшкилий хираҗәтләрни оптималлаштуруп, Мәҗлис вә мәслиһәтләр сайлимини бирләштүрүш имканийитини беридиғанлиғиға диққәт ағдурди. Қасым-Жомарт Тоқаев новәттин ташқири сайлам өткүзүш тоғрилиқ тәшәббусниң өз вақтида көтирилгәнлигини, чүнки һазир Мәҗлисниң мәмликәт алдида туруватқан вәзипиләрни әмәлий иш йүзигә ашуруш үчүн хәлиқниң йеңи ишәнчә мандатиға егә болуши керәклигини атап көрсәтти. Өз новитидә, Қабиболла Жақыпов партияләрниң сайлиғучиларниң йеңи ишәнчә мандатиға егә болуши, барлиқ дәриҗиләрдә ислаһатларни әмәлгә ашуруш үчүн Мәҗлис вә мәслиһәтләр депутатлириниң иш-һәрикитини уйғунлаштурушниң зөрүр екәнлигини атап көрсәтти.

***

Нурсултан Назарбаевниң Парламентниң һәр икки палатисиниң рәиси вә Премьер-Министр билән өткүзгән учришишқа Президент Мәмурийитиниң рәһбири Нурлан Ниғматулин қатнашти.

***

Нурсултан Назарбаев шундақла Конституциялик кеңәш рәиси Игорь Рогов биләнму учрашти. Конституциялик кеңәш рәиси Конституцияниң 63-маддисиниң 1-пунктиға мувапиқ Парламент яки Мәҗлис қанун чиқириш оргини палатилириниң рәислири вә Һөкүмәт рәһбири билән мәслиһәтләрни өткүзгәндин кейин мәмликәт Президенти тәрипидин тарқитилишиниң мүмкин екәнлигини тәкитлиди. Униңдин ташқири Игорь Рогов новәттин ташқири сайламниң Парламент яки Мәҗлис вакаләтлири муддитидин илгири тохтитилған күндин тартип икки ай мабайнида өткүзүлидиғанлиғиға диққәт ағдурди. У Мәҗлисниң новәттин ташқири сайлимини барлиқ дәриҗидики мәслиһәтләрниң алдики сайлими билән бир вақитта өткүзүшниң Конституция нормилириға толуқ мувапиқ келидиғанлиғини атап көрсәтти.

325 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы