- Һасан-һүсән
- 28 Қаңтар, 2016
Өйдә
Силәрниң сөйүмлүк шаириңлар Мирзәхмәт МЕРИМОВ
Йешип мәктәп формисини,
Қизчақ чаққан кийинди.
Чүшлүк тамақ ичишкә,
У пакизә жуюнди.Қосиғини тойғузуп,
Турди дәрһал орнидин.
Қача-қомуч, нанларни,
Жиғиштурди җозидин.
– Апа, сизгә қаришай,
Мән тазилап өйләрни.
Һойла-арам сүпүрүп,
Суғирай һәм гүлләрни.
Һойлини һәм сүпүрүп,
Челәк билән су чачти.
Суға қенип гүлзарлиқ,
Яшнап бир чирай ачти.
Әтрапта сәрәмҗанлиқ,
Аписи хошал болди.
Әмгәксөйгүч қизим дәп,
Қучақлап сөйүп қойди.
300 рет
көрсетілді0
пікір