• Инкас
  • 25 Ақпан, 2016

Һәрқандақ уйғурни ойландуриду

«Уйғур авази» гезитида  Рабик Исмайиловниң «Бизгә миллий мирасгаһ керак» дегән мақалисини оқуп, наһайити хошал болдум. Шуңлашқа,  аддий оқурмән сүпитидә, өзәмниң пикрини язғим кәлди.Бу мақалида муәллип дунияға тонулған уйғур коллекционери, көрнәклик җәмийәт әрбаби Азат Һекимбәкниң өз хәлқиниң тәғдирини ойлап, келәчәк тарихимизни саклап қелиш вә дуния хәлқигә тонуштуруш мәхситидә онлиған жиллар давамида жиққан коллекциясини сақлап қелиш үчүн бирәр миллий мирасгаһ керәк екәнлиги тоғрилиқ уйғур хәлқигә мураҗиәт   қилипту. Мениңчә, бу мақалини оқуған  вә көкригидә миллий ғурури бар уйғур бир толғанғанду дәп ойлаймән. Әгәр тилигимиз иҗавәт болуп, көпчиликниң қоллап-қувәтлишигә еришсә, нур үстигә нур болар еди. Бу мирасгаһта пәқәт Азат Һекимбәкниңла әмәс, бәлки барлиқ уйғур язғучи-алимларниң китаплириму сақлинатти, мирасгаһ  һәқиқий мәнасида қазақстанлиқ уйғурларниң мәдәний мәркизигә айлинатти. Бу бизниң хәлқимизниң қолидин келидиған иш. Есиңларда болса, Уйғур театрини тикләштә барлиқ уйғурлар мәбләғ жиғишқа қатнишип,  өзлириниң немигә қабил екәнлигини көрситәлиди.  Бу қетимму шундақ болиду, дәп ойлаймән. Чүнки көп жиллардин бери бу экспонатларни сақлап келиватқан Азатҗанниң әмгигини баһалиған һәрқандақ уйғур буниңдин чәттә қалмаслиғи керәк.

Мән 80 яшқа кәлгән пенсионер, мәбләғ жиғилса, мәнму өз ианәмни беришкә тәйяр. Шундақла келәчәк егилири болған балилиримиз билән нәвирлиримизни шуниңға дәвәт қилимән. Чүшинишимиз керәкки, бу мирасгаһ Азат Һекимбәкниң шәхсий мәнпийити үчүн әмәс, Уйғур театри охшаш, хәлиқ мәнпийити  үчүн, бизниң тарихий мирасимизни сақлап қелиш үчүн керәк. Бу ишниң һәммиси җумһурийәтлиқ Уйғур этномәдәнийәт мәркизи  арқилиқ әмәлгә ашиду дәп үмүт қилимән.

Майминәм  ИМӘРОВА,

Қазақстан маарип әлачиси.

Яркәнт шәһири.

304 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы