• Йеңилиқлар
  • 25 Ақпан, 2016

Қош мәйрәм

Алмута шәһириниң Бостандық наһийәсидә тоққуз уйғур мәһәллиси болуп, уларда 300дин ошуқ уйғур аилиси истиқамәт қилиду. «Уйғур жути» десә, алди билән жигитбеши көз алдимизға келиду. Чүнки җай-җайларда хәлқимизниң бешини қошуп, жутларни бәрпа қиливатқанлар шулар. Әйнә шундақ жигитбашлири Бостандық наһийәсидиму моҗут.  Улар Савут ака Искәндәров билән Илал ака Рәһманов. Биринчиси — 30, иккинчиси 25 жил жут башқурупту. Савут ака көп жиллар наһийәниң баш жигитбеши вәзиписини биллә атқуруп кәлди. Йеқинда мәзкүр наһийәдики «Лазижан» кафесида мошу икки жигитбешиниң һөрмитигә зияпәт уюштурулуп, уларниң 85 вә 80 яшлиқлири атап өтүлди. Кәчкә  риясәтчилик қилған Бостандық наһийәлик Уйғур этномәдәнийәт мәркизиниң рәиси Турсун Розиев алди билән дәстихан төридә олтарған икки атиниң әмгәк паалийитигә қисқичә тохталди. Шундақла  ақсақалларниң мәйдисигә «Бейбетшілік әлемі» тәшкилатиниң юбилейлиқ медалини тақиди.  Андин уларни  җумһурийәтлик Уйғур этномәдәнийәт мәркизи йенидики Жигитбашлири кеңишиниң рәиси Абдурешит Мәхсүтов, Алмута шәһириниң баш жигитбеши Инәмҗан Худайбәрдиев, шәһәрлик яшлар мәшривиниң беги Бурһандин Таҗидинов, Уйғур театриниң администратори Абдусаттар Турдибақиев, «Туран дунияси» җәмийәтлик фондиниң мудири Карлин Мәхпиров тәбриклиди. Тиләкләрниң ахири «Таң нури» ансамблиниң иҗрасидики хәлиқ нахшилириға улашти. Ахирида көпчилик авази билән Абдумеҗит Иминов Бостандық наһийәсиниң баш жигитбеши  болуп сайланди.

Бәхтишат СОПИЕВ.

СҮРӘТТӘ: А. Мәхсүтов тәвәллуд егилирини тәбрикләватқан пәйт.

179 рет

көрсетілді

0

пікір
Алдыңғы мақала Үмүтвар роһ
Келесі мақала «Алтун қоллуқ балилар дохтури»

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

28 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы