- Ақ йол тиләймиз
- 03 Наурыз, 2016
Арман алға башлайду
Қаратуруқ йезисида истиқамәт қилидиған Шаһинур кичигидинла уссулчи болушни арман қилатти. У алтә йешида «Ғунчә» фестивалиға иштрак қилип, тәңтушлири арисида «Гран-Прини» утувалған еди. Мана шуниңдин кейин оқуши билән биллә уссулғиму көп көңүл бөлди. Мәктәптин кейин Алмутидики Елебеков намидики эстрада вә цирк колледжида тәһсил көриду.
— Колледж маңа көп нәрсиләрни үгәтти, — дәйду Шаһинур биз билән болған сөһбәттә. — Бу йәрдә мән сәнъәтниң немә екәнлигини чүшәндим. Униң қир-сирлирини көп үгәндим.
Бүгүнки күндә Шаһинур Т.Жүргенов намидики Қазақ Миллий сәнъәт академиясиниң хореография факультетиниң студенти.
Йеқинда Шаһинур Қазан шәһиридә хореография сәнъити бойичә өткүзүлгән конкурс-фестивалиға қатнишип, өзиниң күчини синиди.
— Бу конкурсқа мени Қазақстанниң хизмәт көрсәткән артисти Гүлнарә Сайитова тәйярлиған еди, — дәп һиссиятлири билән бөлүшти Шаһинур. — Гүлнарә һәдә талантлиқ сәнъәткар болуши билән биллә әҗайип яхши инсан. Һәқиқий устаз. Шуңлашқа мән бу конкурсқа ишәшлик иштрак қилдим вә мәзкүр конкурста уйғурниң «Чинә тәхсә» вә қазақниң «Аққу» уссуллирини иҗра қилдим.
Қазилар Шаһинурниң бу әмгигини жуқури баһалап, уни 2-дәриҗилик диплом билән тәғдирлиди.
Өз кәспигә ашиқ қизниң арманлириму аз әмәс. У таллавалған саһасида жуқури пәллиләрдин көрүнүшни халайду. Һә, уни вақит көрситиду.
Рашидәм РӘҺМАНОВА.
Әмгәкчиқазақ наһийәси.681 рет
көрсетілді1
пікір