- Йеңилиқлар
- 03 Наурыз, 2016
Соға қилай
Мирзәхмәт МЕРИМОВ
Өмримизниң пасибани момиларға,
Пәрзәнт үчүн җени пида аниларға.
Немә барду әң әвзәл соға қилай,
Өмримизни нурландурған җананларға.Гүлни соға қилай десәм, гүл өзәңлар,
Жүригимниң нурин чачсам, нур өзәңлар.
Инсанлиқниң пасибани яхшилиққа –
Һур бәхиткә башлайдиған йол өзәңлар.
Ақ нийәтни соға қилсам, ақ өзәңлар.
Паклиғимни берәй десәм, пак өзәңлар.
Инсан өмри муһәббити силәр болғач,
Тәхт тойи гүлханидур нәқ, өзәңлар.
Соға қилай етиқат һәм садақәтни,
Әрләрдики күч вә қувәт һәм җүръәтни.
«Аҗиз!» дегән әшу намни жулуп ташлап,
Қәлбиңларға қуяй тилсим бир қудрәтни. Шу қудрәттә бир карамәт болуңлара, Җаһандики маҗраларни бесиңлара. Аниларниң ақ тилиги ачқуч болуп, Йеңи дуния: Течлиқ намлиқ сарайларни ечиңлара!458 рет
көрсетілді0
пікір