• «Мәшъәлниң» меһмини
• 10 Наурыз, 2016

Қийин саһаниң маһир мутәхәссиси

Исми: Асимҗан Фамилияси: Зайитов Туғулған жили: 1990 Мутәхәссислиги: селиқ хизмитиниң хадимиАсимҗан Сидиқ оғли Зайитов дәсләп 2007-жили Уйғур наһийәсиниң Чоң Ақсу йезисидики Ғ.Сәдвақасов намидики мәктәптә, Қазақ йол қатнаш университети йенидики техника-ихтисадий колледжида, андин Тынышбаев намидики Қазақ телекоммуникацияләр академиясидә билим алиду. Ахирқи билим дәргаһини тамамлиғандин кейин Алмалы наһийәсиниң селиқ башқармисида әмәлий-тәҗрибидин өтиду. Әмгәк паалийитини 2013-жили Жетысу наһийәлик дөләт кирим башқармисидин башлайду. Яш болушиға қаримай, өз ишиға пухта яш мутәхәссис көп өтмәй кәсипдашлири арисида жуқури һөрмәткә сазавәр болиду. Рәһбәрлик тәрипидинму униң намиға ейтиливатқан иллиқ инкаслар бу пикримизгә ярқин испаттур. Селиқ саһасида пат-пат йүз бериватқан йеңилиқларни вә униң күндин-күнгә йеңи технологияләр асасида жүргүзүлүватқанлиғини нәзәрдә тутсақ, бу кәсип егиси болушниң нәқәдәр қийин екәнлигини көрүвелиш тәс болмиса керәк. Мәхсус бетимизниң бүгүнки меһмини Асимҗан Зайитов әйнә шу қийин саһада алған билим-тәҗрибисигә таянған һалда вәзиписини утуқлуқ атқуруватиду. —Алий билим елишимға шәрт-шараит яритип, еһтияҗлиқ мутәхәссис егиси болушумни, җәмийәттә өз орнумни тепишимни тәминлигән ата-анамға, ғәмхорлуқ қилған барчә инсанларға, пурсәттин пайдилинип, «Мәшьәл» бетиниң минбиридин чин қәлбимдин миннәтдарлиғимни изһар қилғум келиду, — дәйду яш мутәхәссис. Еләмҗан ТАЛИПОВ.