• Әхбаратлар еқими
  • 10 Наурыз, 2016

«Қиз өссә, әлниң көрки»

Бийил, жилдиқи әнъәнә бойичә, Яркәнт гуманитарлиқ-техникилиқ колледжида уйғур тилида билим еливатқан биринчи, иккинчи вә үчинчи курс студентлири 8-март —  Хәлиқара ханим-қизлар мәйримини дағдуғилиқ нишанлиди. Биринчи курс студентлири «Қиз өссә, әлниң көрки» мавзусида мәйрәмлик кәч өткүзди. Кәч жигитләр тәрипидин тәйярланди. Колледж устазлири билән студент қизлар үчүн бу күтүлмигән соға болди. Иккинчи курс студентлири «Ана шатлиғи — аләм шатлиғи» мавзусида тәрбийә саатини өткүзди. Бу иш-чаридә студентлар шеирларни ядқа ейтип, өз иҗадидин ана һәққидә шеирлирини ипадилик оқуп бәрди. Аниниң нәқәдәр улуқлуғи вә ана меһри һәққидә тәйярлиған сәһнә көрүнүшлири һәр кимни ойға селип, һәтта бәзиләр көз йешиниму йошуралмиди. Бу, әлвәттә, жуқури маһарәт билән талантниң бәлгүси еди. Кәч ахири нахша-сазға улашти Әнди үчинчи курс студентлириниң тәйярлиғиму өзгичә болди. «Қәлбләр қетидин орғуйду тиләк,  Баһарға ярашқан мәйрәм мубарәк» мавзусида уюштурулған бу әдәбий-музыкилиқ кәч һәқиқәтәнму қизиқ өтти. Улар тәрипидин тәйярланған «Заманивий момайлар», «Икки үзлүк қиз» намлиқ миниатюрилири тәрбийәвий әһмийәткә егә болди. Бу күни һәр үч курс студентлириниң бу мәйрәмгә жуқури тәйярлиқ билән кәлгәнлигини алаһидә тәкитләш лазимдур. Молутҗан ТОХТАХУНОВ, Яркәнт гуманитарлиқ-техникилиқ колледжиниң оқутқучиси.

204 рет

көрсетілді

0

пікір
Алдыңғы мақала Тәзийә билдүрди
Келесі мақала Зич алақида ишләйду

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *