- Диққәт! Диққәт! Диққәт!
- 17 Наурыз, 2016
Фотоконкурс: «Биз бәхитлик аилә»
Бүгүнки күндә сүрәткә чүшириш қийин әмәс. Һазир иккиниң биридә фотоаппарат яки янфон бар. Шулардин пайдилинип, аилиңиздики әң әстә қаларлиқ дәқиқиләрни чүширип, редакциягә әвәтсиңиз, шу купайә.Әгәр у мәзмуни һәм сүпити җәһәттин лайиқ дәп тепилса, сөзсиз, гезитимизда елан қилиниду.
Конкурс йәкүни жил ахирида чиқирилип, «Әң бәхитлик аилиниң» муәллипи маддий соға билән мукапатлиниду. Сүрәткә қошуп аилиңиз һәққидә қисқичә мәлумат беришни, макан-җайиңизни вә алақә телефониңизни йезишни унтумаң.
Сүрәтләрни «Уйғур авазиниң» мону электрон почтисиға әвәтиш керәк: u_avazі@maіl.ru
Һәрбир инсан бәхитлик болушқа интилиду. Бәзиләр алдиға бир мәхсәт қоюп, шуниңға йетишкә тиришиду. Әмгәкчиқазақ наһийәсиниң Қорам йезисида истиқамәт қилидиған достлирим Мәрүпжан Мәмәтохтиев билән Зоһра Иминоваларниң аилиси һәққидә әйнә шундақ дейишкә болиду. Мәрүпжан видео вә фотоға чүшириш билән шуғуллинидиған аддий бир жигит. Зоһра болса, кәспи бойичә муәллим. Умумән, муәллимләрни алаһидә һөрмәтләйдиған ағинәм икки пәрзәнди — Исмайил билән Сәйярәниңму мошу саһани таллишини тоғра көрди. Ата икки балисиниң ана изи билән меңишиға шараит яратти вә ахири мәхситигә йәтти.
Достлиримниң йәнә бир алаһидилиги, улар аиләвий сәяһәт қилғанни бәк яқтуриду. Өткән жили улар мениң жутум — Уйғур наһийәсиниң Ғалҗат йезисиға келип, йезимизниң мәнзирилик җайлирини зиярәт қилди. Мону сүрәтни шу чағда чүширивалған едим.
Зәйнидин ШАКИРОВ.
Ғалҗат йезиси, Уйғур наһийәси.
351 рет
көрсетілді0
пікір