• Әхбаратлар еқими
• 17 Наурыз, 2016

Астанада «Макдоналдс» ечилди

Нурсултан Назарбаев мәмликәт пайтәхтидә ечилған «Макдоналдс» ресторанини зиярәт қилди. Дөләт рәһбири «Макдоналдс» корпорациясиниң Қазақстандики тунҗа карханисиниң иши билән тонушти вә әмгәк коллективи билән сөһбәтләшти.Ресторан 863 квадрат метр мәйданни егиләйду вә 206 херидарға молҗаланған. Уни безәндүрүштә әң йеңи дизайн-концепцияләр, шундақла херидарларға хизмәт қилишниң әң заманивий системилири пайдилинилди.

Бийил ширкәтниң иккинчи рестораниниң ечилидиғанлиғи күтүлүватиду вә йеқинқи бәш жилда йәнә 15кә йеқин ресторан ечилиду. Қазақстандики «Макдоналдс» ресторанлири озуқ-түлүкни мақулланған мәһсулат йәткүзгүчиләрдин алиду. Шуниң билән бир вақитта йәрлик мәһсулат йетиштүргүчиләр базисини тәрәққий әткүзүш давамлишиду. Астанадики ресторан 8-март күни рәсмий ечилди. «Макдоналдс» — умумтамақлиниш вә чапсан хизмәт қилиш саһасида дунияда алдинқи орунни егиләйдиған корпорация. Ширкәтниң 36 миң карханиси дунияниң 120 мәмликитидә херидарларға хизмәт көрситиватиду.