• Һасан-һүсән
• 25 Наурыз, 2016

Мән бәхитлик

Сәһипә материаллирини тәйярлиған  Шәмшидин АЮПОВ./ Мән уйғур хәлқиниң классик шаири Билал Назим намидики оттура мәктәпниң 8-синипида оқуймән. Мошу билим дәргаһида билим еливатқиним үчүн өзәмни бәхитлик һис қилимән. Бу мәктәп яш әвлатқа ана тилида сапалиқ тәлим-тәрбийә бериватқан билим дәргаһлириниң бири. Мениң мәктивимдә барлиқ оқуғучилар өз ана тили билән биллә дөләт тили — қазақ тилини, мунасивәт бағлаш тил — рус тилини яхши өзләштүргән.

Йәнә бир ейтип кетидиған нәрсә, мәктивимиздә өтүлидиған чарә-тәдбирләр ана тилим билән биллә дөләт тилидиму жүргүзүлиду. «Өзгә тилниң һәммисин бил, өз тилиңни һөрмәтлә» дегинидәк, ана тилимда билим еливатқинимға бәк хошалмән. Ана тилимизни унтумайли, әзиз достлар.

Назим ӘЛИЕВ.

Яркәнт  шәһири.