- Әхбаратлар еқими
- 31 Наурыз, 2016
Тәзийә телеграммисини йоллиди
Дөләт рәһбири Пакстан Ислам Җумһурийитиниң Президенти Мәмнун Һүсәйингә Лахор шәһиридә орун алған террорлуқ һәрикәткә бағлиқ тәзийә телеграммисини йоллиди. Телеграммида Президентниң нурғунлиған гунасиз адәмләрниң һалак болушиға вә зәрдап чекишигә елип кәлгән паҗиә тоғрилиқ хәвәрни чоңқур қайғуруп қобул қилғанлиғи тәкитлиниду. Нурсултан Назарбаев һалак болғанларниң көпчилигини аяллар билән балиларниң тәшкил қилғанлиғиниң һечкимни бепәрва қалдурмиғанлиғини тәкитлиди.
«Қазақстан пүткүл дуниявий бехәтәрликкә ховуп туғдуруватқан хәлиқара экстремизм вә терроризм һәрикәтлирини қәтъий әйипләйду. Лахордики шәпқәтсиз вақиә цивилизациялик җәмийәттә берәһим радикал топлар билән уларниң идеологиясигә орун йоқ екәнлигини йәнә бир қетим тәстиқлиди», дейилиду телеграммида.
Ахирида Нурсултан Назарбаев Қазақстан хәлқиниң вә шәхсән өзиниң намидин һалак болғанларниң уруқ-туққанлири билән йеқинлириға, пүткүл Пакстан хәлқигә көңүл ейтип, зәрдап чәккәнләрниң чапсанирақ сақийип кетишигә тиләкдашлиқ билдүрди.
673 рет
көрсетілді0
пікір