• «Мәшъәлниң» меһмини
  • 07 Сәуір, 2016

«Журналист болушумға анам сәвәпкар»

Дилмурат Дилшат оғли Мутәллипов пәқәт анисиниң тәрбийисини елип өсти. У Алмутидики 15-мәктәпни түгитип, 2001-жили Алмута Хәлиқара журналистика институтиға оқушқа чүшиду. Уни әла баһаларға тамамлайду, бирақ егилигән кәспи бойичә ишлимәйду: дәсләп қиракәшлик билән шуғуллиниду, андин музыка әсваплирини сатидиған дуканда сетиқчилиқ қилиду.— Қисқиси, мошу вақит ичидә һәрхил тирикчилик билән бәнт болдум. Ениғирақ ейтсам, ишлимигән йәр қалмиди. Һазир көрситишләрни тәйярлашта бу маңа яхши ярдәм бериватиду, — дәйду Дилмурат биз билән болған сөһбәттә. Һаятида «Киришкә болмайду» дәп йезилған ишикни ечип кириш керәк» дегән шиарни туғ қилған бу яш жигит арминиға айланған журналистика саһасиға пәқәт 2006-жили келиду. Шу-шу болдидә, униң паалийити күндин-күнгә җанлинип, «Рахат ТВ», «Таң», «Евразия» вә «Астана» каналлирида тәҗрибә топлайду. Һәр кәсипниң өзигә хас қир-сирлири болғинидәк, асасән көпчиликкә әхбаратни дәл өз вақтида, қизиқарлиқ дәриҗидә йәткүзүш үчүн көп издиниш тәләп қилиниду. «Алматы» телеканалиниң мухбири Дилмурат кәспигә болған садақити түпәйли униң кәсипдашлири арисида аброй-инавити үстүн. Телетамашибинларму у тәйярлиған материалларға жуқури баһасини бәрмәктә. Җәнубий пайтәхт тур­ғун­лирини башқа жут­лардин кәлгәнләр «һеч­қандақ проблемиси йоқ», дәп тәсәввур қилиши мүмкин. Амма әмәлиятта алмутилиқларниму хелила жиллардин буян қийнап келиватқан мәсилиләр аз әмәс. Дилмурат әйнә шундақ көпчиликкә арам бәрмәйватқан мәсилиләрниң иҗабий һәл қилинишиға биркишилик һәссисини қошуп, алмутилиқларниң иллиқ инкаслириға егә болуватиду. Буниңдин ташқири, шәһәр һаятида йүз бериватқан йеңилиқларни өз вақтида йәткүзүшму униң зиммисидә. Бизниң «Немә үчүн журналист кәспини таллавалдиң?» дегән соалимизға у мундақ җавап бәрди: – Анам бу кәсипкә кичигидин иштияқ бағлиған екән. Бирақ униң бу армини әмәлгә ашмапту. Шу түпәйли анам мениң журналист болушумни халап, маңа мошу йөнилиштә билим елишимға шараит яратти. Өз новитидә, мәнму дуниядики әң меһриван инсанниң тәливини рәт қилалмидим. Қисқиси, мениң журналист болушумға анам сәвәпкар. Аниниң хаһиши би­лән журналист аталған кәсип­дишимизға утуқ, аилисигә хатирҗәмлик тиләймиз. Мәшүр САСИҚОВ.   

213 рет

көрсетілді

0

пікір
Алдыңғы мақала Синақлардин сүрүнмигән сәнъәткар
Келесі мақала Арман алға башлайду

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

18 Қараша, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы