• «Мәшъәлниң» меһмини
• 14 Сәуір, 2016

Арман алға башлайду

Исми: Низамдун Фамилияси: Давутов Туғулған жили: 1990 Кәспи: муәллимНизамдун 2006-жили Яркәнт шәһиридики Хелил Һәмраев намидики мәктәпниң 9-синипини әла баһаларға тамамлап, дәсләп Яркәнт гуманитарлиқ-техникилиқ колледжиниң уйғур филологияси бөлүмигә оқушқа чүшүп, уни  қизил дипломға тамамлайду вә өзи билим алған мәктәптә  ишләйду.  Шуниң билән бирқатарда Алмутидики Абай намидики  Қазақ миллий педагогика университетиниң тарих факультетини сирттин пүтәрди. Буниң билән чәклинип қалғуси кәлмигән у мәзкүр университетниң  магистратурисиға чүшүп, униму муваппәқийәтлик аяқлаштурди. Техи йеқиндила у Астана шәһиридики Назарбаев әқлий мәктивидә  педагогикилиқ  маһаритини ашуруп кәлди. – Биз тарих пәни бойичә илғар, йеңи технологияләр асасида билим беришниң  7 модули  бойичә  маһаритимизни  мукәммәлләштүрдуқ, – деди у биз билән болған сөһбәттә. – Уни һазир өз тәҗрибимиздә қоллиниватимиз. Мән яшларға беғишланған «Мәшъәл» сәһиписини қизиқип оқуп, тәңтуш қиз-жигитләрниң утуқ-муваппәқийәтлиридин пәхирлинип жүримән.  Мошу йәрдә қәлбидә муәллим болуш армини бар яшлиримизни Яркәнт гуманитарлиқ-техникилиқ колледжға оқушқа тәклип қилғум келиду.  Бүгүнки таңда 100дин ошуқ миллитимиз вәкиллири башланғуч синип муәллими  вә уйғур филологияси бөлүмлиридә билим еливатиду. Һәр жили  уйғур бөлүмигиму дөләт тәрипидин һәқсиз билим елиш гранти бөлүнүватиду. Хошна Уйғур наһийәсидин вә Челәк тәвәсидин келип оқуватқан яшларға қарап зоқлинимән. Мән йәнә мошу мүмкинчиликтин пайдилинип, җәмийәттин өз орнумни тепишимға, алий  билим елишимға  шәрт-шараит яритип бериватқан ата-анамға, Хелил Һәмраев намидики мәктәптә вә Яркәнт гуманитарлиқ колледжда, универститетта билим бәргән устазлиримға миннәтдарлиғимни изһар  қилимән. Низамдунниң   ІPHD доктарантурисида оқуш армини  бар. «Арман алға башлайду» демәкчи, илим-пәнгә иштияқи күчлүк, зерәк, идрәклик  жигитниң устазлиқ паалийитигә утуқ тиләп, арманлириниң рояпқа чиқишиға тиләкдашлиқ билдүримиз.

    Гөһәрбүви ИСМАЙИЛҖАНОВА.

Панфилов наһийәси.