• Һасан-һүсән
• 28 Сәуір, 2016

Биз бәхитлик аилә

Бәхит вә аилә. Бу икки сөз­ниң мәнаси интайин чоңқур вә бир-бири билән зич бағлиқ. Мән А.Розибақиев намидики 153-мәктәп-гимназияниң 7-синипида оқуймән. Мән аилиниң тунҗа қизи. Алтә җандин тәркип тапқан аиләмни мәзмут чинарға охшитимән.Дадам аилимизниң ғәмхор­чиси, у бизниң яхши адәм болғинимизни халайду,  бизни асраш үчүн кечә-күндүз тиним тапмай ишләйду. Апам өйүмизниң гүли, ғәм­гүзари. Биз, пәрзәнтлириниң, меһри­ван аниси. Мениң Рамина, Шаһризадә вә Ясмина исимлиқ омақ сиңил­лирим бар. Рамина  гимназияниң  3-синипида  оқуйду. Шаһризадә болса, балилар бағчисиға бариду. У уссул ойнашни, рәсим сизишни яхши көриду. Ясмина өйдә, апамниң йенида,  бийил бағчиға бариду. Мән өз аиләмни яхши кө­ри­мән. Мән мошу аилидә ту­ғулғиним вә мошундақ меһ­риван ата-анамниң барлиғи үчүн өзәмни бәхитлик дәп һе­саплаймән.

Сабина  СӘМӘТОВА.

Алмута шәһири.