• Йеңилиқлар
  • 26 Маусым, 2012

Көзимиздә нәм, қәлбимиздә ғәм...

«Өлүм қаш-кирпикниң арисида» дәп конилар бекар ейтмиған екән. Өйниң нурлуқ чириғи һәм бәрикити, балилириға, нәврилиригә меһриван, дост-бурадәрлиригә садиқ, қериндашлириға көйүмчан һәдәм Турғунай Тайировадин мәңгүгә айрилип қалдуқ. Жиғлидуқ, қахшидуқ, һеч амал тапалмидуқ. Тәғдирниң мундақ язмишиға бәрдашлиқ берип, униң роһиға атап дуа қилип, дайим қериндишимниң ярқин симасини көз алдимға кәлтүрүп, дәрман издәймән. Турғунай Тайирова 1940-жили 27-сентябрь күни Панфилов наһийәсиниң Чоң Чиған йезисида туғулған. У пүткүл аңлиқ һаятини әвлат тәрбийисигә беғишлап, жутдашлириниң иззәт-еһтирамиға бөләнгән устаз еди. Җиназа намизиға кәлгәнләрниң көписи «Турғунай һәдәм бизниң устазимиз болған» дәп биз билән тәң көз яш қилишти.  У бизниң, бир аилидә өскән төрт қизниң арисида әң қавул, ишләмчан, тиришчан вә һеч кимгә һалини ейтмайдиған, «су кәлсә кечип, от кәлсә өчирип» жүридиған батур ана еди. Мана һәш-пәш дегичә 27-июнь күни қериндишимиздин айрилғинимизға 40 күн толиду. Амал қанчә, тиклинип кәлгән әҗәлгә һеч чарә йоқ екән… Әтивалап өстүргән пәрзәнтлириниң қизиғиға тоймай, тартқан җапа-мәшәқәтлиригә чушлуқ һалавәт көрмәй кәткәнлигини ойлисақ, көзимиздин нәм, қәлбимиздин ғәм һеч кетәр әмәс. Қәдирдан қериндишим бу һаятта таянчим еди. Шуңлашқа мошу кәмдә жүрәк-бағрим тит-тит болуп, уни кинәп, көйүк отида көйүп жүримән... Қериндаш бир томурдин                                тарап өскән, Һаятта бир-биридин                                айрилмаскән. Аридин өтсун мәйли                                қанчә жиллар, Җан-җигәр қериндашни                                унтуш тәскән. Қериндаш егиз тағдур                                болған йөләк, Шуңлашқа униң ялқун                                оти бөләк, Шум әҗәл айрисиму                                қериндаштин Әсләймән уни дайим                                көйүп жүрәк. Қәдирданимизниң ярқин хатирисини қәлбимизниң қетида сақлап, ятқан йериниң юмшақ, роһиниң җәннәттә болушини Алладин тиләймиз.

Дурнәм МӘШҮРОВА.

 

619 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы