- Елан
- 26 Маусым, 2012
Конкурс елан қилиду
«Бал-Ара» Қазақстан Миллий омартчилар иттипақи Қазақстан Җумһурийитиниң Тунҗа Президенти — Милләт Лидери фондиниң, Қазақстан хәлқи Ассамблеясиниң, Хәлиқара Әхбаратлаштуруш академиясиниң, bal-ara.kz әхбарат порталиниң қоллап-қувәтлиши билән «Һәрә вә экология дунияси» вилайәтлик балилар иҗадиға мәнсүп рәсимләрниң конкурсини өткүзиду.
Конкурсниң мәхсити: Өсүватқан әвлатта әтрап муһитқа еһтиятчан мунасивәт қилиш, тәбиәтни қоғдаш вә экологияни яхшилаш һис-туйғулирини шәкилләндүрүш.
Конкурсниң вәзипилири:
· Яш рәссамларниң бәдиий-эстетикилиқ дит-талғимини шәкилләндүрүш;
· Балилар бәдиий иҗадийитини тәрәққий әткүзүшкә ярдәмлишиш;
· Җәмийәтлик тәшкилатларни вә шәхсләрни истедатлиқ балиларни қоллап-қувәтләшкә җәлип қилиш;
Конкурсқа 4 — 14 яш арилиғидики балилар тәклип қилиниду
· Конкурсқа асасий вә қошумчә билим бериш мәһкимилиридә, балилар өйлиридә тәрбийиләнгүчиләр, айрим шәхсләр тәклип қилиниду;
· Конкурс очуқ өткүзүлиду;
Қатнашқучилар — үч яш категориясидики балилар:
І — 4 — 7 яш; ІІ — 8 — 10 яш; ІІІ — 11 — 14 яш.
Әмгәкләргә қоюлидиған тәләпләр:
· Бәдиий әмгәкләр пәқәт А-3 (297х420 мм.) һәҗимидә болуши керәк.
· Рәсимләр картонға чапланмаслиғи лазим, улар яғач вә пластмасса рамкилирисиз, әйнәксиз безәндүрүлүши вә әгәр почта арқилиқ әвәтилсә, ламинация қилинмаслиғи шәрт.
· Әмгәкләр гуашь, акварель, қериндаш, фломастер билән орунлиниду.
· Һәр бир әмгәкниң паспорти болуп, паспорт әмгәкниң кәйни тәрипигә басмичә қилип, ениқ һәрипләр билән йезилиши шәрт.
Әскәртиш:
Бир қатнашқучи үчтин ошуқ әмгәк әвәтмәслиги лазим.
Конкурс өткүзүлидиған җай: Қазақстан Җумһурийити, Алмута шәһири.
Конкурс йәкүнлири икки басқучта чиқирилиду:
· 2012-жил 10-июнь — 20-сентябрь — әмгәкләр қобул қилиниду;
· 2012-жил 20 — 28-сентябрь — конкурс йәкүни чиқирилиду;
Мукапатлаш
· Конкурс йәкүни бойичә һәр бир яш категориясидә үч мукапатлиқ орун бәлгүлиниду.
· Мукапатлиқ орунни егилигәнләр дипломлар вә соғилар билән мукапатлиниду.
· Ғалипларниң әмгәклири бизниң әхбарат җәһәттин қоллап-қувәтләш бойичә шериклиримизниң нәширлиридә елан қилиниду.
· «Һәрә вә экология дунияси» конкурсиға қатнашқан барлиқ әмгәкләр, уларниң келип чүшишигә қарап, bal-ara.kz әхбарат порталида елан қилиниду.
Әмгәкләрни почта арқилиқ төвәндики макан-җайға әвәтишкә болиду:
«Бал-Ара» Қазақстан миллий омартчилар иттипақи
050002
Қазақстан Җумһурийити, Алмута шәһири, Мақатаев кочиси,
3 «а». «Һәрә вә экология дунияси» балилар рәсимлириниң конкурси үчүн дәп йезилиши шәрт.
360 рет
көрсетілді0
пікір