- Әхбаратлар еқими
- 19 Мамыр, 2016
Исми әл қәлбидә
Йеқинда Панфилов наһийәсиниң Төвәнки Пәнҗим йезисида Мүсрәт Мәсимовниң хатирисигә беғишланған волейбол бойичә турнир болуп өтти. Турнирниң тәнтәнилик ечилиш мәрасимида Төвәнки Пәнҗим оттура мәктивиниң мудири Айгүл Кәрибаева пешқәдәм мәрипәтчи, мәрһум Мүсрәт Мәсимовниң һаяти вә әмгәк паалийити һәққидә тәпсилий тохталди. Шуниңдин кейин сөзгә чиқан наһийәлик билим бөлүминиң мутәхәссислири Ғалим Қали билән Мақитбек Сауранбаев, Панфилов наһийәсиниң Пәхрий граждани Әхмәтҗан Надиров,Төвәнки Пәнҗим йезиси Ақсақаллар кеңишиниң рәиси Кеңәш Өмәров, ветеранниң сиңлиси Иззәт Йүсүпова, кәсипдашлири Тамарахан Сопиева, Мәрүп Арзиев иллиқ хатирилири билән бөлүшти.
Мүсрәт Мәсимов 1942-жили Улуқ Вәтән урушиға атлинип, Днепр дәрияси бойидики жәңләрдә қәһриманлиқ көрсәткән. У 1946-жилдин та өмриниң ахириғичә барлиқ аңлиқ һаятини әвлат тәрбийәсигә беғишлиған. Дәсләп Төвәнки Пәнҗим мәктивидә муәллим, кейинирәк мәктәп мудири болди. Турнирда Төвәнки Пәнҗим йезисиниң яшлири вә мәктәп оқуғучилири, муәллимләрдин тәркип тапқан 6 команда өзара күч синашти. Җиддий һәм қизғин шараитта өткән мусабиқидә ғалип чиққан командиларға ветеранниң пәрзәнтлири намидин баһалиқ соғилар тапшурулди.Гөһәрбүви ИСМАЙИЛҖАНОВА.
Панфилов наһийәси.614 рет
көрсетілді0
пікір