• Әхбаратлар еқими
• 19 Мамыр, 2016

Достлуқни мустәһкәмләшкә қошқан һәссиси үчүн

Нурсултан Назарбаев Россия Федерацияси Федерал Жиғини Федерация Кеңишиниң рәиси Валентина Матвиенко билән учрашти.Учришиш давамида икки мәмликәтниң өзара һәри­ки­тини, парламентлар ара алақисини күчәйтиш мәсилилири муһакимә қилинди.Нурсултан Назарбаев Қазақ­стан вә Россия оттурисидики һәмкарлиқниң көптәрәплимилик характерға егә екәнлигини, ХХІ әсирдики Яхши хошнидарчилиқ вә иттипақдашлиқ тоғрилиқ шәртнаминиң униң үчүн асас селип бәргүчи һөҗҗәт  һесаплинип, униң Евразия ихтисадий иттипақини қуруш тоғрилиқ қарарниң қобул қилинишиға сәвәп болғанлиғини тәкитлиди.

 Әйнә шуниңға бағлиқ Президент мәзкүр интеграциялик бирләшминиң тәрәққий етишигә диққәт ағдурди, шундақла, Европа комиссиясиниң рәиси Жан-Клод Юнкер билән күздә Евразия ихтисадий иттипақи— Европа иттипақи бирләшкән форумини өткүзүш тоғрилиқ келишимниң қолға кәлтүрүлгәнлигини хәвәр қилди. Өз новитидә Россия Федерал Жиғини Федерация Кеңишиниң рәиси сәмимий қобул қилғанлиғи үчүн тәшәккүр изһар қилип, икки мәмликәт оттурисидики стратегиялик вә достлуқ мунасивәтләрниң техиму тәрәққий етиши үчүн барлиқ күч-қувитини сәрип қилишқа тәйяр екәнлигини билдүрди. Учришиш давамида Дөләт рәһбири Валентина Матвиенкоға Қазақстан вә Россия оттурисидики достлуқ вә һәмкарлиқни күчәйтишкә қошқан һәссиси үчүн ІІ дәриҗилик «Достық» орденини тапшурди.