• Әхбаратлар еқими
• 09 Маусым, 2016

Балилар көңүл көтәрди, соғиму алди

1-июнь —  Хәлиқара балиларни һимайә қилиш күни шәһәрлик җәмийәтлик кеңәш  әзалириниң қоллап-қувәтлиши билән «Бөлек батыр» истираһәт беғида мүмкинчилиги чәкләнгән балиларға  мәйрәм уюштурулди.

Униңда сөзгә чиққан  шәһәр һакими  Ерғали Шоқпаров  билән  шәһәрлик җәмийәтлик кеңәш рәиси Галина Молчанова вә башқилар балиларни мәйрими билән тәбрикләп, иллиқ ләвзини билдүргәндин кейин гөдәкләр    Җамбул намидики оттура мәктивиниң сәнъәт һәвәскарлири тәрипидин тәйярланған мәйрәмлик концертни тамашә қилди. Наһийәниң барлиқ йезилиридин кәлгән мүмкинчилиги чәкләнгән, ата-анисидин айрилған 100дин ошуқ гөдәккә  Салтанат Дәуренбекова, Зәйтүнәм Ниязова, Эльмира  Бақиева, Гөзәл Баратова, Өмүрнисәм Имирова, Заһидәм Илиева мәйрәмлик соғиларни тапшурди. Бир күн бойи  «Бөлек батыр» истираһәт беғидики атракционларда ойнап-күлүп, көңүл көтәргән балиларға шәһәр һакимийити 100 балиниң наһийәгә гастрольға кәлгән Россияниң  Красноярск шәһиридики   «Шапито» циркиниң артистлириниң һүнирини тамашә қилиш мүмкинчилигини яритип бәрди. Шундақ қилип,  ата-анилар балилири билән  бир күн бойи көңүл көтәрди, соғиму  алди .

Гөһәрбүви ИСМАЙИЛҖАНОВА.

Панфилов наһийәси.