• Йеңилиқлар
  • 26 Маусым, 2012

«Йеңи дуниядики Евразия мәдәнийити» хәлиқара форуми қатнашқучилириниң мураҗиити

Биз, Астанада болуп өткән «Йеңи дуниядики Евразия мәдәнийити» хәлиқара форуминиң қатнашқучилири, Мустәқил Дөләтләр Һәмдостлуғи дөләтлириниң рәһбәрлиригә, илмий вә иҗадий җамаәтчилигигә буниңдин кейинму мәмликәтлиримиз оттурисидики мәдәний-гуманитарлиқ һәм әхбарат һәмкарлиғини тәрәққий әткүзүш үчүн күч чиқириш чақириғи билән мураҗиәт қилимиз. МДҺ кәңлигидики иҗадий бирләшминиң үзлүксиз диалоги чоңқур томурға егә. Хәлиқлиримизниң умумий инсаний, роһий, мәдәний қәдрийәтлири, шундақла һазирқи дунияниң йеңи һәм күчийиватқан синақлири билән ховуплири алдида җипсилишиш зөрүрийити уни күчәйтиш үчүн асас болуп һесаплиниду.     Мундақ форумларниң өткүзүлүши — бу мәмликәтлиримизни турақлиқ тәрәққий әткүзүш, хәлиқлиримиз оттурисидики ишәнчә вә өз ара чүшәнчини мустәһкәмләш йоллирини бирлишип издәш имканийити. Евразия интеграция җәриянлири шараитида бу диалог алаһидә әһмийәткә егә болуватиду. 1994-жили Москва дөләт университетиниң дәргаһида Қазақстан Җумһурийитиниң Президенти Нурсултан Назарбаев Евразия Иттипақини қуруш тоғрилиқ тарихий тәшәббусни оттуриға қойди. Биз бүгүнки таңда мәзкүр лайиһиниң реал көрүнүшкә егә болуватқанлиғини байқаватимиз. У — Евразия кәңлигини парлақ истиқбалға башлап, йеңи әвлатниң келәчигини гүлләндүриду. Қазақстанниң көркәм пайтәхти Астана евразиялик қәдрийәтләр — мәдәнийәтләр ара вә конфессияләр ара диалогни, төзүмлүкни, течлиқ вә разимәнликни, роһий вә мәдәний тәрәққиятни күчәйтишниң ярқин мисали болуватиду. Астананиң бәрпакарлиқ роһи өзидә Шәриқ билән Ғәрипниң мәдәнийитини муҗәссәмләндүргән. Бу йәрдә әң заманивий театрлар билән мирасгаһлар, концерт заллири, илмий мәркәзләр қәд көтирип, сәнъәтниң нурғун жанрлири тәрәққий етиватиду. Биз илһамбәхш, җошқун, келәчәккә интилған Астанани әйнә шундақ көрдуқ. Бийил Астананиң икки пәхрий хәлиқара вәзипини атқуруватқанлиғи тәсадипи әмәс — у МДҺ вә түрк алиминиң мәдәний пайтәхти болуп сайланди. Бу һазирқи Қазақстанда мәдәнийәтниң җәмийәтни иҗтимаий йеңилашниң муһим амили болуп һесаплинидиғанлиғиниң испат-дәлили. Биз Евразия мәдәний кәңлигини шәкилләндүрүштә МДҺ Гуманитарлиқ һәмкарлиқ кеңиши вә Дөләтләр ара гуманитарлиқ һәмкарлиқ фонди даирисидә өтидиған иҗадий һәм илмий зиялилар форумлириға чоң әһмийәт беримиз. Көплигән мәмликәтләрниң җәмийәтлик вә иҗадий бирләшмилири билән бирликтә фонд әмәлгә ашуруватқан лайиһиләргә алаһидә диққәт бөлүмиз. Биз, форум қатнашқучилири, мәмликәтлиримизниң мәдәний өз ара һәрикитиниң сәясий, ихтисадий вә башқа саһалардики һәмкарлиқни күчәйтиш үчүн яхши шараит яритидиғанлиғиға ишинимиз. Биз мәдәнийәт вә аммивий әхбарат саһалиридики бирләшкән лайиһиләрни кәңәйтишниң муһим әһмийәткә егә екәнлигини тәкитләймиз. Һәмкарлиқниң үнүмлүк болидиғанлиғиға нисбәтән ишәнчә хәлиқлиримизниң яхши хошнидарчилиққа интилишиға, рәһбәрлиримизниң сәясий ирадисигә, мәдәнийәт вә сәнъәт адәмлириниң бирлишип иҗат қилишқа болған интилишиға асасланған. Мошу интилишлар илһам берип, утуқлуқ болсун. Астана шәһири, 2012-жил 15-июнь.  

359 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы