• «Мәшъәлниң» меһмини
  • 23 Маусым, 2016

Камалҗанға ишәнчимиз камил

Камалҗан Надировни илгиридин яхши билимән. Униң дадиси —Тәлъәт ака Надиров җәмийәтлик ишларниң активисти, ҖУЭМ йенидики «Мәшрәп» кеңишиниң рәиси, «Уйғур авазиниңму» йеқин дости. Шуңлашқиму Тәлъәт ака билән Зивәрәм һәдә тәрбийилигән үч оғулниң утуқлиридин биз дайим хәвәрдар. Надировларниң аилисигә дайим зоқлинип қараймән. Раст, Тәлъәт ака бәзидә: «Мән аддий бир адәмғу», дәп бәзи сирлирини ейтип кәтмәйду. У өзи аддий болуши мүмкин. Амма балилири аддий әмәс. Уларниң ичидә мән Қамалҗанни кичигидин билимән. Камалҗан Надиров Алмутидики М.Яқупов намидики уйғур мәктивиниң 9-синипини тамамлап, ЦСКАниң һәрбий колледжида оқуйду. Униң спортниң бокс түригә йеқин екәнлигини маңа яхши мәлум. Һәтта Камалҗан өсмүрләр арисида Мексикида өткән дуния чемпионатиға иштрак қилип, алдинқи орунлардин көрүнди. Бир күни Тәлъәт ака униң Асфендияров намидики медицина университетиға оқушқа чүшкәнлигини ейтти. Мениң һәйран қалғанлиғимни сәзгән акимиз: «Бовиси билән аписини дориди һәм акилириға тартти» дәп қойди. Һәқиқәтәнму Тәлъәт акиниң дадиси хәлиқ тибабәтчиси болуп, адәмләрни давалиған екән. Зивәрәм һәдимиз һәмширә, акилири – Пәрһат шәһәрлик мәркизий клиникилиқ ағриқханида хирург, Мөмүнҗан Асфендияров намидики Қазақ миллий медицина университетида илмий мудир. Шундақ қилип, Камалҗан мәзкүр билим дәргаһиниң давалаш факультетини тамамлап, урология саһаси бойичә көп  издиниду. У академик Б.Жарбосынов намидики урология илмий мәркизидә икки жил билимини мукәммәләштүрүп, саһаниң қир-сирлирини һәртәрәплимә үгәнди. Шундақла Сингапур, Түркия, Җәнубий Корея қатарлиқ әлләрдә саһа адәмлири билән тәҗрибә алмаштуруп турди. Камалҗан әмгәк паалийитини әшу илмий мәркәздин башлайду. 26 яшлиқ жигитниң билими, ишни уюштуруш қабилийити рәһбәрликни қайил қилиду. У дәсләп бөлүм башлиғи вәзиписини атқурса, кейин мудирниң орунбасари дәриҗисигә көтирилиду. 2014-жили Камалҗан Тәлъәт оғли Саламәтликни сақлаш вә иҗтимаий тәрәққият министрлигигә ишқа тәклип қилиниду. У йәрдә икки жил Стратегиялик тәрәққият департаменти мудириниң орунбасари хизмитини атқурди. Кейин Медицинилиқ хизмәтни стандартлаштуруш департаментиниң мудири болуп тайинланди. Министрликтә ишләш җәриянида у «Мәҗбурий иҗтимаий медицинилиқ ғәмсизләндүрүш» қанун лайиһәсиниң тәшәббускари вә тәйярлиғучилириниң бири болди. Бу күнләрдә Камалҗан Қазақстандики вә МДҺ әллиридики тәңдиши йоқ Астанадики җумһурийәтлик диагностикилиқ мәркәзгә рәһбәрлик қилмақта. Өз новитидә, барлиқ гезитханлар намидин Камалҗанниң ишиға утуқ тиләп, униң техиму жуқури пәлиләрдин көрүнүшигә тиләкдашлиқ билдүримиз.

Бәхтишат СОПИЕВ.

343 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы