• 28-июнь — Алақә вә әхбарат хадимлири күни
  • 23 Маусым, 2016

Әң жуқури қәләмһәққи — 50 миң тәңгә

«Уйғур авази» гезити тәри-пидин язғучи Турған Тохтәмовниң хатирисигә уюштурулған иҗадий конкурсниң йәкүни мәтбуат мәйрими һарписида чиқирилди. Гезитимизда язғучи Турған Тохтәмов намидики иҗадий конкурс уюштурулған еди. Уни язғучиниң оғли, тонулған журналист, «Экспресс К» гезитиниң мәсъул кативи Туғлуқ Тохтәмов бир еғиздин қоллап-қувәтлиди. Йеқинда Язғучилар өйидә әйнә шу конкурсниң йәкүнини чиқиришқа беғишланған баш қошуш болуп өтти. Униңға алим, язғучи-шаир вә журналистлар иштрак қилди. Баш қошушни Қазақстан Язғучилар иттипақи йенидики Уйғур әдәбияти кеңишиниң рәиси Әхмәтҗан Һаширов ечип, конкурсниң мәхситигә қисқичә тохталди. — «Уйғур авази» яхши башланминиң тәшәббускари болди, — деди у. –   Амма биз, иҗадийәт адәмлири, өзимизниң паалийәтчанлиғини көрситәлмидуқ. Әслидә, мәзкүр конкурсқа чоң-кичикниң һәммиси иштрак қилишимиз керәк еди. Әпсус, ундақ болмиди. — Бизму бу конкурстин чоң үмүт күткән едуқ, — дәп сөзини башлиди новәттики натиқ — «Уйғур авази» гезитиниң баш муһәррири Ершат Әсмәтов. —Редакциямизниң почтиси һекайә, публицистикилиқ мақалиларға толуп кетәмдекин, дегән әндишидә қалғинимизни йошурмаймән. Әпсус, биз күткәндәк болмиди. Немишкиду, чүшәнмидим, ахирқи вақитларда язғучи-шаирлиримиз қолиға қәләм елиштин қалди. Йәнә келип: «Язидиған яшлар йоқ» дегән гәпни қилимиз. Әгәр чоң әвлат яшлиримизға түрткә болмиса, улар нәдин язсун? Бизниң мәхситимиз қолида қәлими бар яшларни тәрбийиләштин ибарәт. Буниң арқилиқ гезитимизни техиму мәзмунлуқ һәм қизиқарлиқ чиқиришқа мүмкинчилик бар. Конкурс елан қилинғандин кейин редакция почтисиға санақлиқла материал келип чүшти. Шуларниң арисидин бәшини таллавалдуқ. Улар: «Яминимизни заманғила артип қоймайли, қериндашлар» (Аблимит Мәрданов, 4-февраль), «Нәдисән, мениң балилиғим» (Һасил Абдримов, 10-март), «Кепилсиз келин» (Абдухалиқ Махмудов, һәҗвийә, 14-апрель), «Бир пурсәт вә бир өмүр» (Нурәхмәт Әхмәтов, һекайә, 25-февраль), «Аниниң көз йеши» (Әкрәм Садиров, 9-июнь). Салаһийәтлик шәхсләрдин тәркип тапқан жюри әзалири бу бәш әсәрниң арисидин Һасил Абдримовниң қәлимигә мәнсүп болған публицистикилиқ мақалини баш мукапатқа лайиқ дәп тепипту. Баш мукапатни (50 миң тәңгә) муәллипкә Туғлуқ Тохтәмов тапшуруп, кәсипдашлириниң қәлиминиң техиму өткүр болушиға тиләкдашлиқ билдүрди. Қалған төрт әсәрниң муәллиплириму қуруқ қол қайтқини йоқ. Уларму жюри әзалиридин өзлиригә тегишлик баһасини, уюштурғучилардин болса, әмгигигә чушлуқ «қәләмһәққини» һәрқайсиси 20 миң тәңгидин алди. Мукапатларни тапшуруш үчүн сөзгә чиққан пешқәдәм журналист, Қазақстанниң Пәхрий журналисти Абдукерим Тудияров, язғучи-сатирик Абдухалиқ Махмудов, филология пәнлириниң намзити, язғучи Гүлбәһрәм Хошаева, Турған Тохтәмовниң ағиниси, медицина пәнлириниң доктори Турған Сопиев әдәбиятимизниң кәлгүси тәғдири әтрапида гәп қилди. Бу хилдики конкурсларни пат-пат уюштуруш тәкливини бәрди. Мукапат алғанларниң һәммиси өзлириниң икки еғиз ләвзини билдүрди. Гезитимизниң турақлиқ муәллиплириниң бири болған Аблимит Мәрдановниң ейтқанлири жиғин қатнашчилирида алаһидә тәсират қалдурди. — Мән йезида яшайдиған  аддий бир адәм, — дәп сөзини башлиди у. — Ана тилимда йоруқ көридиған китап-гезит  вә журналларни қоймай оқуймән. Шуниң тәсириму билмидим, йешим атмиштин ашқандин кейин қолумға қәләм елип, мақалә язидиған «қилиқ» чиқиривалдим. Язғанлирим сөйүмлүк гезитим «Уйғур авазида» йоруқ көргәндин кейин техиму илһамлинип жүримән. Бүгүн мошу көплигән зиялилиримизни көрүп бешим көккә йәтти. Мениң ейтай дегиним, зиялилар билән хәлиқниң арисида мунасивәт йоқ, десәмму болиду. Илгири язғучи-шаирлиримиз хәлиқниң арисиға көп кирәтти. Һәтта өз вақтида бир сорунда райкомниң биринчи кативиға язғучидин кейин һөрмәт билдүрүлгәнлиги һәққидә аңлиғиним бар. Биз, йеза адәмлири, силәрниң язғанлириңларни әмәс, өзәңларни сеғинип кәттуқ. Мошу мәсилә һәққидиму ойлинип көрсәңлар. Баш қошуштин кейин униң қатнашқучилириға Тохтәмовлар аилиси тәрипидин зияпәт берилди.

Бәхтишат СОПИЕВ.

300 рет

көрсетілді

0

пікір
Алдыңғы мақала Һиммитиңларға һашқалла
Келесі мақала Достлар билән нишанлидуқ

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы