• «Мәшъәлниң» меһмини
  • 08 Шілде, 2016

Билим елишқа бәл бағлиған жигит

Уйғур наһийәсиниң Кәтмән йезисиға тәвә Қадировлар аилисини пәқәт наһийә даирисидила әмәс, җумһурийәткә тонулған, десәм хаталашмаймән. Марат вә Зәйтүнәм Қадировлар төрт пәрзәнт тепип, қатарға қошти. Ата тонулған дохтур. Ана – муәллим. Биз яшларға тонуштурмақчи болған Бәхитҗан уларниң төртинчи пәрзәнди. Бәхитҗан М.Җәлилов намидики Кәтмән оттура мәктивидә 6-синипқичә оқуп, андин оқушини Ишиктә шәһиридики Қазақ-түрк шәриқшунаслиқ лицейида давам қилди.  Мәзкүр билим дәргаһида қазақ, рус, әрәп вә түрк тиллирини мукәммәл өзләштүрүш билән биллә, математика пәни бойичә өткүзүлгән наһийәлик, вилайәтлик вә җумһурийәтлик олимпиадиларға қатнишип, пәқәт алдинқи орунлардин көрүнди. Лицейни мувәппәқийәтлик тамамлап, 2007-жили Сулейман Демирәл намидики университетниң “Һесаплаш техникиси вә программа түзүш” факультетиға оқушқа чүшиду. Барлиқ тәрәптин алаһидә көзгә чүшкән жигит магистратуриға қобул қилинип, ”RFІD system for campus” мавзусида магистрлиқ  диссертация яқлайду. Бәхитҗан, шундақла ислам дининиң еқидилиригә қәтъий әмәл қилип, замандашлириға үлгә болуп кәлмәктә. 2015-жили у Хәлиқара бизнес колледжиниң оқутқучиси Шадийәм Шәмшидин қизи билән аилә қуруп, Сафия исимлиқ  пәрзәнт көрди. Бәхитҗан бош вақтини әдәбий вә диний китапларни оқушқа вә спортқа сәрип қилиду. Болупму футболға алаһидә қизиқиду. Университетта тәшкил қилинған футбол командисиниң тәркивидә талай турнирларда мәзкүр билим дәргаһиниң абройини жуқури көтәрди. Кәтмәнгә дәм елишқа барғандиму «теч жүрмәйду». Йәнила шу қолидин китап чүшмәйду яки поңзәк тепиш билән бәнт. Дадиси Марат акиму футбол ишқивазлириниң бири. Йезида у тәшкил қилған футбол клуби моҗут. Бәхитҗан әйнә шу клуб тәркивидики командиларниң биридә ойнайду. Әслидә мән Бәхитҗанниң акиси Шерәли Қадиров һәққидә язмақчи едим. Уни яшларға тонуштуруш арминим бар еди. Амма гезитимиздә униң тоғрилиқ көп йезилди. Униң үстигә у наһайити кәмтар жигит. Өзи тоғрилиқ анчә ейтип кәтмәйду. У пәқәт билим елиш үчүн яралған инсан. Акисиниң изи билән кетип барған Бәхитҗанниму гезитқа йезиш үчүн аран көндүрдүм. “Һарвуниң алдиңқи чеқи нәгә маңса, кәйни чеқи шу яққа тартиду», демәкчи, Бәхитҗанму акиси математика пәнлириниң доктори, Назарбаев университетиниң оқутқучиси Шерәли охшаш жуқури пәллиләрдин көрүнүшни арман қилиду. Балилиғидин билим елишқа бәл бағлиған Бәхитҗанға келәчәктә алдиға қойған мәхсәтлиригә  йетишигә тиләкдашлиқ билдүримән.

Диләрәм  ҖӘЛИЛОВА.

Алмута шәһири.

408 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы