• Дидар ғенимәт
  • 28 Шілде, 2016

Бир-бирини қиялмай хошлашти

Буниңдин әллик жил муқәддәм, йәни 1966-жили Чоң Ақсу оттура мәктивиниң 10-«А» синипини 31 нәпәр қиз-жигит тамамлиған еди. Мана һәш-пәш дегичә аридин йерим әсир вақит өтүпту. Бу күнни сабиқ синипдашлар көптин бери күтти. Чүнки һәрхил сәвәпләргә бенаән, ениғирағи әнъәнигә айланғанжигирмә жиллиқ учришишни уюштуралмай қелип, бүгүнгә қәдәр беши қошулмиған екән. Синипдашларниң бу муддиаси бийил, йәни йерим әсирдин кейин әмәлгә ашти. Ақ чачлиқ, салапәтлик кишиләрдин болған улар бир-бирини аранла тонушуп, қучақлишип аманлашти. Һәтта көңли бош анилиримиз хошаллиқтин көз яш қилишти. Әллик жил ичидә өткән-кәчкәнни әскә алған улар, бақи аләмгә атланған тоққуз синипдишини вә мәрһум устазлирини әскә алди. Уларниң роһиға қуръан тиләвәт қилинғандин кейин, риясәтчиләр синипдашларниң көңлини баштин өткән қизиқ вақиәлиригә ағдурди. Синип йетәкчиси болған һели мәрһум Мәһәмәт Насировниң һаят паалийити һәққидә яхши гәпләрни қилишти. Рус тилидин дәрис бәргән Разийәм Нәзәрова, Турди Муһәмәтов охшаш устазлириға миннәтдар екәнлигиниму йошурмиған улар, барлиқ устазлириниң әмгиги алдида баш егип, миннәтдарлиғини изһар қилишти. Сабиқ синипдашлар мәзкүр учришишни өткүзүшкә көп күч чиқарған Әйса Җалаловқа, һазир Яркәнттә туридиған Санийәм Ибрагимоваға вә Тохтахун Махмутовқа тәшәккүр изһар қилишти. Хошлишиш пәйти кәлгәндә синипдашлар бир-бирини қиялмай хошлашти. Шахризада САБИТОВА. Уйғур наһийәси.

268 рет

көрсетілді

0

пікір
Алдыңғы мақала Әллик жилдин кейин учрашти
Келесі мақала «Нәдисән, студентлиқ алтун дәвримиз?»

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

24 Ақпан, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы