• Мукапат мубарәк!
• 28 Шілде, 2016

Устазларниң устазиниң утуғи

Қазақстанниң Мустәқиллигиниң 25 жиллиғи һарписида  Яркәнт гума­нитарлиқ-техникилиқ колледжиниң бир­­нәччә  оқутқучиси мукапатқа ери­шти. Шуларниң қатарида жигирмә жилдин ошуқ вақит мошу дәргаһта хизмәт қилип келиватқан филология пәнлириниң намзити Һакимҗан Һәм­раевму бар. Һакимҗан Һәмраев Қа­зақстан Мустәқиллигини алғандин кейин, мәзкүр билим дәргаһидики уйғур бөлүминиң қайта ечилишиға вә униң турақлиқ паалийәт елип беришиға биркишилик үлүшини қошуп, яш әвлатқа заман тәливигә лайиқ билим берип келиватқан  тәҗрибилик  устазларниң бири. Устазларниң устази Қазақстан Җумһурийитиниң Мустәқиллигиниң 25 жиллиғи һарписида нәшир қилинған «Қазақ елиниң әлачи устазлири» топлимиға киргүзүлүп, «Қазақ Елиниң әлачи устази» медали билән мукапатланди. Шу мунасивәт билән биз кәсипдишимизни мәзкүр билим дәргаһидики барлиқ устазлар намидин чин қәлбимиздин сәмимий тәбрикләп, ишиға иҗадий утуқлар, аилисигә хатирҗәмлик, тениға саламәтлик тиләймиз. Мукапат мубарәк болсун, кәсипдаш! Молутҗан ТОХТАХУНОВ, Яркәнт гуманитарлиқ-техникилиқ колледжиниң оқутқучиси. Панфилов наһийәси.