• Учумкарлар диққитигә
• 28 Шілде, 2016

Алий, мәхсус оттура вә алий оқуштин кейинки билим елиш мәсилилири бойичә мәслиһәт кеңишиниң әхбарити

БМТни тәкрар тапшуруш учумкар үчүн яхши имканийәт/ БМТ тапшуруш қобул қилинғандин бери бийил дәсләпки қетим учумкарларға тестни тәкрар тапшуруш имканийити яритилмақта. Бу йеңилиқни Қазақстан Җумһурийити маарип вә пән министри Е.Сағадиев тәклип қилди.Бийилдин башлап Қазақстанниң алий оқуш орунлири БМТни тапшуралмиған учумкарларни шәртлик рәвиштә оқушқа қобул қилиши мүмкин. Бу һәқтә Маарип вә пән министри мундақ деди: “Мәлумки бийил коледжни пүтәргәнләр үчүн комплекслиқ тестни тәкрар тапшурушқа болиду. Шундақла алий оқуш орунлири тест тапшуралмиған учумкарларни шәртлик рәвиштә қобул қилинған студент сүпитидә январьғичә оқуталайду. Әгәр студент тәкрар тесттин өтсә, 2017-жили январьда униң оқуши үчүн һәқ төлиниду”. Тестни тәкрар тапшуруш немә үчүн керәк? Маарип вә пән министриниң тәкитлигинидәк, БМТ һәрбир учумкарниң һаятидики чоң вақиә. “БМТниң нәтиҗилиригә учумкарниң тәғдири чәмбәрчәс бағлиқ. Чүнки БМТта алған балл униң келәчигини, униң мутәхәссислигини вә алий оқуш орнини ениқлап бериду. Тестта алған жуқури балл грант арқилиқ һәқсиз билим елишқа имканийәт яритиду” деди министр. Тест тапшуруш өз дөлитимиздә алий билим елишни рәғбәтләндүриду Министр Е.Сағадиевниң пикричә, БМТни тәкрар тапшуруш яшларниң Қазақстандин билим елиш үчүн чәт әлгә кетишини тохтитиши мүмкин. Сәвәви, һаҗәт болған балл алалмиған учумкар Россиягә яки Хитайға оқушқа кетиватиду. Чүнки бу дөләтләрдә БМТ балли һеч роль ойнимайду. Төвәндики рәқәмләргә диққәт бөлсәк, әһвалниң җиддий екәнлигини байқавелиш тәс әмәс. Мәсилән, өткән жили 45 миң учумкар БМТ тапшурмиған. Әнди 100 миңдин ошуқ учумкар һәтта, алий оқуш орунлириға һөҗҗәтму тапшурмиған. Өз дөлитимиздә оқуш оңай һәм  әрзән болуши керәк Кейинки вақитларда БМТ нәтиҗилиригә  қаримайдиған чәт әлләрдики алий оқуш орунлириға оқушқа кетип барған учумкарлар сани көпәймәктә. Өткән жили Россиягә алий билим елиш үчүн 40 миңдин ошуқ қазақстанлиқ учумкар кәткән екән. Демәк, улар төлигән мәбләғ бизниң җумһурийитимизниң бюджетиға чүшмиди. Сәвәви, БМТни тәкрар тапшуруш имканийити болмиғандин кейин учумкарлар чәт әлләрдә билим елишқа интилмақта. Мошу мәхсәттә Қазақстан Җумһурийитиниң Маарип вә пән министрлиги учумкарларға БМТни тәкрар тапшуруш арқилиқ өзлириниң имканийәтлирини пайдилинишқа кәң йол ачмақта. Министрликниң планлири бойичә БМТни шундақла колледжни пүтәргәнләрму вә комплекслиқ тест тапшурғанларму тәкрар тапшуралайду. БМТни тәкрар тапшуруш шәртлири БМТни тәкрар тапшуруш үчүн һәқ төлиниду. Бу имканийәт Қазақстанда һәқ төләп билим елиш үчүн алий оқуш орниға һаҗәт болған әң аз баллни алалмиған учумкарлар үчүн яритилмақчи. БМТни тәкрар тапшуруш баһаси 2200 тг. Әнди диққитиңларға 2015-жили дөләт грантлирини тәхсим қилиш нәтиҗилирини (мутәхәссисликләр бойичә) тәвсийә қиливатимиз. Чәт әл филологияси: Уйғур тили Қазақ бөлүми. Умумий конкурс 86 — 79 балл. Рус бөлүми. Умумий конкурс 72 балл. (Зәйтүнәм Илиева) Педагогика вә башланғуч билим бериш методикиси Қазақ бөлүми. Умумий конкурс 87 — 83 балл. Рус бөлүми. Умумий конкурс 93 — 79-балл. Биотехнология Қазақ бөлүми. Умумий конкурс 100 — 93 балл. Рус бөлүми. Умумий конкурс 100 — 81балл. Стоматология Қазақ бөлүми. Умумий конкурс 100 — 93 балл. Рус бөлүми. Умумий конкурс 100 — 92-балл. Һесават вә аудит Қазақ бөлүми. Умумий конкурс 100 — 94 балл. Рус бөлүми. Умумий конкурс 100 — 86 балл. Малийә Қазақ бөлүми. Умумий конкурс 100 — 97 балл. Рус бөлүми. Умумий конкурс 100 — 91балл. Маркетинг Қазақ бөлүми. Умумий конкурс 100 — 88 балл. Рус бөлүми. Умумий конкурс 100 — 89 балл. Дөләт грантини елиш конкурсиға қатнишиш үчүн әризини тоғра толтуруш вә ениқ мутәхәссисликләр бойичә толуқ мәлуматларни мону  arupazat@mail.ru электронлуқ адресқа хәвәрлишип, елишиңизға болиду.