• Йеңилиқлар
  • 28 Шілде, 2016

«Қазақстан – Улуқ Дала ели»

Қазақстан Җумһурийитиниң Россиядики әлчиханиси вә «National Geographic Россия» журналиниң уюштуруши билән Москвада «Қазақстан – Улуқ Дала ели» фотокөргәзмиси ечилди. Экспозициягә Қазақстанниң тәбиитигә, шундақла Алмутида өтидиған қишлиқ Универсиада-2017, Астанада уюштурулидиған «ЭКСПО-2017» хәлиқара ихтисаслаштурулған көргәзмигә беғишланған атмиштин ошуқ фотосүрәт қоюлди. Уларниң муәллипи «National Geographic Россия» журналиниң шеф-фотографи Андрей Каменев. Көргәзминиң ечилишида сөзгә чиққан журналниң баш муһәррири Андрей Паламарчук мәзкүр чарә-тәдбирни уюштуруш бийил қазақ тилида «National Geographic Қазақстан» журналиниң нәшир қилинишиға бағлиқ екәнлигини тәкитлиди. Шундақла у экспозицияниң асасий мавзулириниң бири Астанада өтидиған «ЭКСПО-2017» көргәзмиси екәнлигиниму қәйт қилди. – Мәзкүр көргәзминиң «Келәчәк энергияси» мавзуси – инсанийәт үчүн наһайити муһим проблема. Бу мавзу журналимиз үчүнму наһайити йеқин. Сәвәви, бизниң миссиямиз – Йәр шарини қоғдаш, шу арқилиқ муштирилиримизни мошу мәсилигә җәлип қилиш вә қизиқтуруш, – деди Андрей Паламарчук. Мәрасимда, шундақла Қазақстанниң Россиядики әлчиханисиниң мәслиһәтчиси Марат Сыздықов, «Астана ЭКСПО-2017» Миллий ширкити акционерлиқ җәмийити Маркетинг вә туризм департаменти мудириниң орунбасари Җәмилә Нурқалиева вә башқилар сөзгә чиқти. Фотокөргәзминиң ечилишиға беғишланған мәрасимниң ахири Москваниң Қазақ миллий-мәдәний автономиясиниң рәиси Дәмели Тасмағанбетованиң уюштуруши билән тәйярланған концертқа улашти. Әнди фотокөргәзмә болса, бийил 24-августқичә давамлишиду.

253 рет

көрсетілді

0

пікір
Алдыңғы мақала Ағриқханидин чиқирилди
Келесі мақала Саламәтлик маршрутлири билән

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *