• Әхбаратлар еқими
  • 28 Шілде, 2016

Бразилиягә — визисиз

Қазақстан вә Бразилия өзара визисиз тәртип орнатти. Қазақстан Җумһурийити таш­қи ишлар министриниң орунбасари Мухтар Тлеуберди билән Бразилияниң Қазақстандики әлчиси Деметрио Буэно Карвальо Астанада икки мәмликәт һөкүмәтлири оттурисидики алмаштуруш шәклидики тегишлик келишимни имзалиди.Шәртнамә Қазақстан – Бразилия шериклигини тәрәққий әткүзүшкә, сода-ихтисадий, пән-техникилиқ, мәдәний-гуманитарлиқ, туристик вә башқа алақиларни күчәйтишкә, шундақла икки мәмликәт гражданлири үчүн өзара қатнаш шараитини йениклитишкә қаритилған. — Буниңдин кейин икки мәмликәт гражданлири визисиз 30 күнгичә өзара қатнаш һоқуқиға егә болди, — деди Мухтар Тлеуберди вә Дөләт рәһбириниң тапшурмиси бойичә Ташқи ишлар министрлигиниң Қазақстан гражданлири үчүн визисиз яки йениклитилгән визилиқ тәртипни орнитиш бойичә турақлиқ ишләватқанлиғини қошумчә қилди. Ташқи ишлар министриниң орунбасари 5-августта Рио-де-Жанейрода башлинидиған Олимпиада оюнлирини һесапқа алғанда, қолға кәлтүрүлгән келишимләрниң алаһидә әһмийәткә егә болуватқанлиғини тәкитлиди. Чүнки қатнаш визисини рәсмийләштүрүш зөрүрийитиниң рәт қилиниши һәм қазақстанлиқ спортчилар, һәм ишқивазлар үчүн мошу мәмликәтни зиярәт қилишни хелә йеникләштүриду. Визисиз тәртипниң орнитилиши «ЭКСПО-2017» хәлиқара ихтисаслаштурулған көргәзмиси үчүнму муһим әһмийәткә егидур. Мухтар Тлеубердиниң тәкитлишичә, Қазақстан  Бразилияниң мәзкүр көргәзмигә қатнишишиға вә мошу мәмликәт гражданлириниң Астанани әркин зиярәт қилип, инсанийәтниң «Келәчәк энергияси» саһасидики ахирқи утуқлирини көрүшигә мәнпийәтдар. Өз новитидә, Бразилия әлчиси Деметрио Буэно Карвальо өзара визисиз тәртипниң моҗут сода-ихтисадий ихтидарни техиму кәң көләмдә әмәлгә ашуруш имканийитини беридиғанлиғини, Қазақстан вә Бразилия тиҗарәтчилири алақисиниң кәңийишигә, туристлар еқиминиң көпийишигә ярдәм қилидиғанлиғини тәкитлиди.

224 рет

көрсетілді

0

пікір
Алдыңғы мақала Тәзийә телеграммилирини йоллиди
Келесі мақала Завод ишқа қошулди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *