- Йеңилиқлар
- 05 Тамыз, 2016
Алдирақсанлиқниң ақивити
Вертолетта бир топ һәрбийләр учуп кетиватқанда, уларниң рәһбири: «Һәммимиз Авғанстанға урушқа кетип баримиз» дәп һәқ гәпни аңлитипту. Бу хәвәрдин кейин әскәрләрниң кәйпияти чүшүп кетипту. Буни сәзгән рәһбәр: «У йәргә барғанда, силәргә һәрбир дүшмәнниң беши үчүн 2000 АҚШ доллири миқдарида мукапат пули берилиду» дәп, уларниң көңлини көтәрмәкчи бопту.Вертолет йәргә қонуши билән һәрбийләр өзлирини талаға етип, бир дәмниң ичидила һәрқайсиси 10 – 15 адәмниң бешини елип кәпту. Буни көрүп, әрвайи үркигән рәһбәр: «Бу немә қилғиниңлар, накәсләр. Биз техи Авғанстанға йетип бармидуққу! Пәқәт янармай қуювелиш үчүн Түркмәнстанға қондуқ» дегән бойи һошидин кетипту.
Интернет — пикир
Дуниядики барлиқ аяллар әрлиридин көп нәрсә күтиду. Уларниң бәк аз қисми әрлириниң әрзимәс ишлирини баһалайду һәм шуниңға рази болиду. Нәқ мошундақ аяллар — аләмдики әң бәхитлик аяллар болуп һесаплиниду.
Серж ГУДМАН,
украин шаири.
Интернет — мәслиһәт
Йеқинлириңизға пат-пат телефон қилип туруң;
һәр күни башқиларға бир қетим болсиму яхшилиқ қилип қоюң;
башқилардин өткән сәвәнликләрни кәчүрүң;
бош вақтиңизни көпирәк 6 яшқичә вә 70тин ашқан адәмләр билән өткүзүң;
күнигә кам дегәндә үч адәмгә күлүмсирәң;
башқа адәмләрниң сиз тоғрилиқ ейтқан гәплиригә етивар бәрмәң;
сиз ағриғанда ишиңиз әмәс, садиқ достлириңиз әсқатиду. Шуңлашқиму улар билән мунасивитиңизни үзмәң.
424 рет
көрсетілді0
пікір