• Дидар ғенимәт
  • 05 Тамыз, 2016

«Нәдисән, студентлиқ алтун дәвримиз?»

Мәлумки, Қазақстан уйғурлириниң мәдәний һаятида йүз бәргән вақиәләр көпләп санилиду. Әйнә шуларниң бири — 1980-жили Абай намидики Қазақ педагогика институтиниң филология факультетида рус-уйғур бөлүминиң ечилишидур. Ғоҗәхмәт Сәдвақасов, Туғлуқҗан Талипов, Октябрь Җамалдинов, Алийәм Намәтова, Махмут Абдурахманов, Савут Моллавутов, Давут Исиев, Шеривахун Баратов, Бүвихан Әлахунова, Турсун Әлаев қатарлиқ миллитимиздин чиққан пешқәдәм вә көрнәклик алимлар билән педагогларниң бәргән тәлим-тәрбийиси арқисида мәзкүр бөлүм миллий мәктәплиримиз үчүн уйғур тили вә әдәбияти, рус тили вә әдәбияти, шундақла тарих, қазақ тили, инглиз тили вә башқиму пәнләр вә йөнилишләр бойичә йүзлигән мутәхәссисләрни тәйярлиди. Улар һазир болупму Алмута шәһири вә Алмута вилайитигә орунлашқан мәктәпләрдә яш әвлатқа заман тәливигә лайиқ вә сүпәтлик билим бериш йолида аянмай әмгәк қилмақта. Уйғур бөлүми ечилип, аридин мана оттуз алтә жил өткән болсиму, униң учумкарлири арисидики алақиләр үзүлгини йоқ. Мәсилән, 1986-жили бөлүмни тамамлиған шу вақиттики қиз-жигитләр, һазир болса, салапәтлик ата-анилар, нәврә сөйгән бова-момилар гөзәл студентлиқ жиллирини әсләш мәхситидә йеқинда Уйғур наһийәсиниң Чонҗа йезисидики «Байтерек» кафесида җәм болдуқ. Бу йәрдә мән шуни әслитип өтмәкчимәнки, курсдашлиримиз һәрхил наһийәләрдин болғанлиқтин, һәр бәш жилда бир қетим шу наһийәләрдә баш қошушни адәткә айландуруп, бу қетимда өзәм туғулуп өскән Чонҗа йезисида саһипханлиқ қилиш бәхтигә муйәссәр болдум. Биз учришиш мәрасимини башлаштин илгири шум әҗәл аримиздин жулуп елип кәткән курсдишимиз Гүлнарәм Идрисовани, шундақла мәрһум устазлиримизни әскә алдуқ. Учришишимизниң иккинчи күнини әйнә шу уйғур бөлүминиң ечилишиға зор үлүш қошқан Ғоҗәхмәт Сәдвақасов вә Октябрь Җамалдиновниң туғулған жути – Чоң Ақсу йезисиниң тағ бағрида давам қилдуқ. Учришиш давамида бир-биримизниң аилилиридин һал сорап, хизмәтлиридин, йәткән утуқлиридин вақип болуп, муңдишип, бәхитлик өткән яшлиқ вақитлиримизниң қизиқ дәқиқилирини һекайә қилишип, һөзүрләндуқ. Шундақла мәктәплиримизниң бүгүнки әһвали, қазақстанлиқ уйғурлар алдида турған муһим мәсилиләр һәққидиму өз ой-пикирлиримизни оттуриға ташлап, учришишимизниң мәзмунлуқ вә тәсирлик өтүшини тәминлидуқ. Биз әнди бәш жилдин кейин, Челәк тәвәсидә баш қошидиған болуп келиштуқ. Халидәм СӘЙДУЛЛАЕВА. Уйғур наһийәси.

283 рет

көрсетілді

0

пікір
Алдыңғы мақала Бир-бирини қиялмай хошлашти
Келесі мақала Қәдри бөләк достларниң

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

20 Қаңтар, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы