- Әхбаратлар еқими
- 05 Тамыз, 2016
«Йәттә» — хасийәтлик сан
Бирләшкән Дөләтләр Тәшкилати һесавитиниң мәлуматлириға мувапиқ, Қазақстан 2016-жили электронлуқ һөкүмәтни тәрәққий әткүзүш дәриҗиси бойичә Азия мәмликәтлири арисида 7-орунни егилиди. Биздин жуқури орунларға Җәнубий Корея, Сингапур, Япония, Исраил, Бахрейн вә Бирләшкән Әрәп Әмирликлири орунлашти. БДТниң рейтингида Қазақстан 33-орунни егиләп, МДҺниң барлиқ мәмликәтлириниң алдида туриду.
Бийил электронлуқ һөкүмәтни тәрәққий әткүзүш дәриҗиси бойичә 1-орунни Бүйүк Британия егилиди. Иккинчи орунға Австралия чиққан болса, өткән жилқи лидер Җәнубий Корея үчинчи орунға сазавәр болди. Умумдуниявий рейтингта АҚШ — 12, Россия — 35, Хитай — 63, Өзбәкстан — 80 вә Қирғизстан 97-орунда туриду.
Шуни тәкитләш керәкки, БДТниң электронлуқ һөкүмәтни тәрәққий әткүзүш индекси (The UN Global E-Government Development Index яки EGDI) – бу комплекслиқ көрсәткүч болуп, дөләтниң гражданларға дөләт хизмитини көрситиш үчүн әхбарат-коммуникациялик технологияләрни пайдилинишқа тәйярлиғини һәм имканийитини баһалайду. Мәсилән, Қазақстанниң умумий индекси 2016-жили 0,7250ни тәшкил қилди. Бу индекс инсан капиталини, телекоммуникациялик инфрақурулумни вә онлайн-хизмәтни тәрәққий әткүзүш көрсәткүчлиридин қелиплишиду. Мәмликәтләр рейтингини болса, БДТ икки жилда бир қетим түзиду.
599 рет
көрсетілді36
пікір