• Әхбаратлар еқими
• 11 Тамыз, 2016

ШҺТ йеңи идеяләрни тонуштурушқа тәйяр

Шанхай һәмкарлиқ тәшкилатиниң Баш кативи Рашид Алимов Қазақстанниң Хитайдики әлчиси Шахрат Нурышев билән болған учришишта ШҺТниң «ЭКСПО-2017» көргәзмисигә қатнишишқа мәнпийәтдар екәнлигини тәкитлиди. ШҺТ баш кативи көргәзминиң «Келәчәк энергияси» мавзусиниң актуаллиққа егә екәнлигини тәкитләп, ШҺТ кативатиниң «йешил» технологияләр саһасидики йеңи идеяләрни тонуштурушқа тәйяр екәнлигини билдүрди.

Рашит Алимов ШҺТ Баш кативатиниң орунбасари Сабыр Имандосовниң тәшкилаттин «ЭКСПО-2017» көргәзмисигә комиссар болуп тайинланғанлиғини тәкитлиди, у алдики көргәзмигә қатнишишқа бағлиқ барлиқ тәшкилий мәсилиләрни һәл қилиш билән шуғуллиниду. Шундақла Беҗинда болған учришишта Қазақстан Җумһурийитиниң ХХҖдики әлчиханисиниң вә ШҺТ кативатиниң Қазақстан мошу жилниң 24-июнь күнидин тартип «ЭКСПО-2017» көргәзмисини рәсмий ечиш һарписида өткүзүшкә планланған новәттики саммитқичә рәислик қилидиған вақитқа бәлгүләнгән Бирләшкән чарә-тәдбирләр плани имзаланди. Мәзкүр план тәшкилат қараргаһида мәмликәт Мустәқиллигиниң 25 жиллиғи даирисидә Қазақстан Җумһурийитиниң күнлирини, мәмликитимизниң туристик ихтидарини тонуштурушни, илмий-әмәлий конференцияләрни вә  мәдәний чарә-тәдбирләрни өткүзүшни көздә тутиду. План Қазақстанниң Хитайдики әлчиханисиниң вә ШҺТ кативатиниң тәшәббуси билән тәйярлинип, тәшкилат даирисидә биринчи қетим қобул қилинди.