• Йеңилиқлар
• 08 Қыркүйек, 2016

Туғма гөзәл

Илнур Әркин 2013-жили Беҗин университетиниң чәт әл тиллири институтини инглиз тили мутәхәссислиги бойичә тамамлиған. Андин Гарвард университетиниң (АҚШ) театр институтида тәһсил көрүп, бәдиий сәнъәт магистри унваниға еришкән. Мәзкүр дәргаһта оқуватқан пәйтидә москвалиқ театршунасларни устаз тутуп, билимини мукәммәлләштүргән. У студентлиқ чағлиридила Голливудниң онға йеқин микрофильмлириға чүшкән. Илнурниң чирайида түркий милләтләргә хас типик алаһидиликләр  муҗәссәмләнгән: ақ һәм сүзүк териси, нурлуқ һәм булақтәк тиниқ көзлири, сайә ташлап туридиған узун кирпиклири һәрқандақ кишини бирдин өзигә җәлип қиливалиду. У пәқәт чирайлиқ болупла қалмастин, наһайити әқиллик қиз. Үгиниш иқтидариму күчлүк. Әдәбиятқа, уссулға қизиқиду. Театрға барғанни яхши көриду. Ана тилидин ташқири хәнзу вә инглиз тиллирини мукәммәл билиду. – Лос-Анджелесқа дунияниң әң илғар артистлири жиғилған, – дәйду Илнур. – Улардин көп нәрсиләрни үгинишкә, билимимни мукәммәлләштүрүшкә тиришимән. Әң әвзили, өзәмгә кәлгән пурсәтни қолдин чиқармай, чиң тутушум керәк. www.baxlan.com