• Турнир
  • 08 Қыркүйек, 2016

Аватлиқлар биринчи орунда

Йеқинда Гүлдала йезисида Қазақстан Җумһурийити Мустәқиллигиниң 25 жиллиғиға беғишланған футболдин вилайәтлик турнир болуп өтти. Униңға Әмгәкчиқазақ вә Талғир наһийәлиридин кәлгән спортчилар қатнашти. Тәнтәнини Гүлдала йезисиниң жигитбеши Турғанҗан Керимов киришмә сөз билән ачқандин кейин «Нур Отан» партияси Талғир наһийәлик шөбисиниң рәиси Бижигит Надырбек, Гүлдала йеза округиниң хадими Алмаз Алтаев вә йезиниң сабиқ жигитбеши, наһийәниң Пәхрий граждини Злавдун Авдинов нутуқ сөзләп, җумһурийитимиз мустәқиллик жиллири қол йәткүзгән утуқ-муваппәқийәтлиригә тохталди вә спортчиларға утуқ тилиди. Мәзкүр йезида сағлам һаят тәризини тәшвиқ қилиш мәхситидә өткүзүлүватқан бу турнирға өзиниң көплигән сахавәтлик ишлири билән көзгә чүшкән инсан Минаждин Һашимов һамийлиқ қилди. Шундақ қилип, футбол ишқивазлирида чоңқур тәсират қалдурған турнир йәкүни бойичә аватлиқ спортчилар (сүрәттә) (Әмгәкчиқазақ наһийәси) ғалип атилип, І орунни йеңивалди һәм Пәхрий ярлиқ вә 25 миң тәңгилик мукапатқа сазавәр болди. Әнди ІІ орунға Ключи йезисидин (Талғир наһийәси) кәлгән спортчилар еришип, уларму Пәхрий ярлиқ билән 20 миң тәңгә алса, ІІІ орунға қол йәткүзгән қизилтуғлиқлар (Талғир наһийәси) 15 миң тәңгилик мукапатниң егиси аталди. Турнир ахирида ғалип чиққан командилар намиға иллиқ тиләкләр ейтилип, келәчәктә яшлар арисида мошундақ пайдилиқ чарә-тәдбирләрни пат-пат өткүзүп туруш истигини билдүргән меһманлар, өз новитидә, мусабиқә уюштурғучилириға миннәтдарлиғини билдүрди. Талғир наһийәси.

343 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы